Video
Read full review
2024-01-13
334 views
今日約左個好耐冇見嘅朋友食飯傾計，我book左呢間係皇悦酒店入面嘅鐵飯碗，地方坐得好舒服，有私人空間傾計，店員們都好有笑容同禮貌，令我地食得好愜意。見到餐牌都好多選擇，比較多馬來西亞菜式，亦有中式，菜式都好精緻。前菜小食店員上左一大碟炸蝦片，塊塊都香脆，仲有個充滿海鮮香嘅辣椒醬伴碟，一路食一路等嘢食嚟，好滋味。🥢香茅煙燻脆皮鴿 $88脆皮鴿一上枱就已經充滿好香嘅煙燻味道，咬落肉質嫩滑唔會乾，店員仲好貼心比左手套我地食👍🏻🥢炭烤黑毛豬肋骨豬肋骨好大件，豬肉伴隨住炭烤味道，啖啖肉之餘另有一番風味，仲有一個微辣嘅黃椒汁點黎食，咁樣配搭嘅豬肋骨第一次食又好好味，好有新鮮感，餐廳仲有六杯青檸汁跟埋係去油膩感💯🥢馬友鹹魚煎肉餅煎肉餅好香口，脆皮邊邊，食落去唔會過鹹，份量仲好多。🥢馬拉盞四大天王四大天王中有椰菜花、茄子、臭豆、四季豆，望落好豐富，整得好熱辣辣，用馬拉盞炒嘅風味同滋味都十足👍🏻🥢鮑魚雞肉粒燴飯燴飯份量好多，先滿足左視覺，鮑魚食落鮮味彈牙，飯香而且飯內雞粒好多，好抵食。美味晚飯點少得糖水，我地本來已經食得好滿足，但係見到甜品好吸引，所以都決定叫黎試下。🥢椰汁芋圓紫米露🥢金銀摩摩喳喳兩款糖
今日約左個好耐冇見嘅朋友食飯傾計，我book左呢間係皇悦酒店入面嘅鐵飯碗，地方坐得好舒服，有私人空間傾計，店員們都好有笑容同禮貌，令我地食得好愜意。
見到餐牌都好多選擇，比較多馬來西亞菜式，亦有中式，菜式都好精緻。
前菜小食店員上左一大碟炸蝦片，塊塊都香脆，仲有個充滿海鮮香嘅辣椒醬伴碟，一路食一路等嘢食嚟，好滋味。
🥢香茅煙燻脆皮鴿 $88
脆皮鴿一上枱就已經充滿好香嘅煙燻味道，咬落肉質嫩滑唔會乾，店員仲好貼心比左手套我地食👍🏻
香茅煙燻脆皮鴿
28 views
0 likes
0 comments
🥢炭烤黑毛豬肋骨
豬肋骨好大件，豬肉伴隨住炭烤味道，啖啖肉之餘另有一番風味，仲有一個微辣嘅黃椒汁點黎食，咁樣配搭嘅豬肋骨第一次食又好好味，好有新鮮感，餐廳仲有六杯青檸汁跟埋係去油膩感💯
炭烤黑毛豬肋骨
5 views
0 likes
0 comments
🥢馬友鹹魚煎肉餅
煎肉餅好香口，脆皮邊邊，食落去唔會過鹹，份量仲好多。
馬友鹹魚煎肉餅
9 views
0 likes
0 comments
🥢馬拉盞四大天王
四大天王中有椰菜花、茄子、臭豆、四季豆，望落好豐富，整得好熱辣辣，用馬拉盞炒嘅風味同滋味都十足👍🏻
馬拉盞四大天王
8 views
0 likes
0 comments
🥢鮑魚雞肉粒燴飯
燴飯份量好多，先滿足左視覺，鮑魚食落鮮味彈牙，飯香而且飯內雞粒好多，好抵食。
美味晚飯點少得糖水，我地本來已經食得好滿足，但係見到甜品好吸引，所以都決定叫黎試下。
🥢椰汁芋圓紫米露
🥢金銀摩摩喳喳
兩款糖水都唔會太甜，椰汁芋圓紫米露充滿椰香味，芋圓大粒軟糯👍🏻
金銀摩摩喳喳入面嘅蕃薯食落好粉，口感好好👍🏻
Post
