Mother of Pizzas

Open Now

Now Closed

星期日6:30pm已經大排長龍，用餐時間75分鐘，所以都應該好快有位，但唔想熱辣辣排隊，就要記得早啲訂位。*要叫薄餅，就一定係叫18吋大薄餅，切開咗6大件。可以叫一半一半，咁就可以食多啲唔同味道，不過錢就跟貴啲嗰個~*雞味濃 18‘’ $398非常特別~薄餅用白汁底，配料有烤雞紅洋蔥紅椒火箭菜，芝士趁熱可以拉絲，而且份量剛好，唔會太多太膩，烤雞可惜有啲乾柴，但味道真係雞味濃，紅洋蔥辛辣火箭菜甘苦，口感豐富之餘，非常清新，唔會因為白汁底而食厭。上枱嘅時候新鮮熱辣，薄餅皮偏薄，鬆軟且焦香，餅邊焦香少少乾，好重麵粉香。因為面頭配料多嘅關係，薄餅皮嘅存在薄弱咗唔少。薄餅放喺一個圓形架上面，就算時間耐左餅皮都唔會因為水氣濕漉漉。*我的帕爾馬 18‘’ $478OMG！估唔到啲巴馬火腿係鋪滿成個薄餅，火腿鹹度唔高，而且脂肪含量唔多，非常啱我嘴型。火腿底有啲火箭菜，非常甘苦，可惜巴馬火腿同薄餅本體唔係好夾。香蒜芝士焗麵包 $148呢個麵包同薄餅唔同，相對有厚度，鬆軟偏乾身，鋪滿番茄醬同埋芝士，焗到芝士焦香，可惜蒜香蒜頭香弱，比芝士蓋過咗。