七重天 (Closed)

朕今日微服出巡到銅鑼灣，巡到餓餓地，就問啲隨從附近有咩地方可以黎個《歡樂時光》，佢地就推左呢間七重天俾朕，朕一上到去，有種回到家既感覺！朕一坐低，就叫左杯野飲，名叫思南路，無酒精甜甜地，有淡淡既果香，清新解渴。而另一面既裝橫就似舊時既夜上海，有流星機，仿油燈和木製窗框同埋吊燈，令人有置身於夜上海既感覺，喺呢個環境食下小食，飲杯野，吹下水，享受歡樂時光！芝士年糕，外層年糕煙韌，入面芝柔滑，年糕同埋芝士配合得宜。鹽燒帆立貝，加左少少芝士黎燒，吊出左帆立貝既鮮味，咬落彈牙。焦糖雞翼，雞翼加左鹽燒，雞翼外脆內嫩，再喺表面加上焦糖，口感豐富，佐酒小食！金薄冬菇，外層有金薄，冬菇入面多汁。川燒豬頸肉，加入左孜然粉，豬頸肉香味濃。煙肉荔枝，煙肉香脆，荔枝肉清甜，有種清新既感覺。魚子醬燒白鱔，有鮮味既魚子醬，白鱔燒到脆皮，肉質鮮嫩，鮮上加鮮！黑松露燒和牛，有香濃既黑松露香味，而和牛就入口即溶，油香同埋肉汁豐富，不俗！西班牙燒黑毛豬，肉質爽口鮮味，肉汁豐盈。聽講呢度仲可以包場，每人大約五舊水，最少六個人就可以包場，同三五知己食飯吹水，呢度都係一個幾好既選擇！