鬼金棒

Open Now

Now Closed

兩個寶寶都好愛食湯底濃郁嘅日式拉麵，呢間餐廳係我哋經常會幫襯嘅，銅鑼灣分店店面唔算大，長期都要排隊，真係超高人氣！味玉辣麻味噌拉麵🍜玉米筍味噌拉麵🍜～辣麻味噌嘅湯底係媽媽我嘅至愛，湯頭呈現濃郁嘅橙紅色，散發誘人辣香，熱騰騰。走辣原味就啱小朋友，豬骨湯頭超濃郁，好似飲豬骨湯咁。粗嘅麵條彈牙有嚼勁，好上汁！配搭炒至微焦嘅粟米筍，口感脆嫩，越食越上勁。我哋後來仲再單點一份粟米筍🌽添！最近嘅新攪作就係日式煎餃外皮微脆，餡料份量唔算多，勝在食落口感柔軟有汁，同拉麵好夾。