街頭火鍋

Open Now

Now Closed

平時最鐘意約朋友打邊爐🔥 餐廳裝潢以港式街頭風枱為主調，型格又有特色✨ 店舖門口牆壁貼滿明星合照，食物質素有所保證☺️❀ 湯底 🥘打邊爐最鍾意雙拼湯底😍 今次揀咗花膠濃雞湯及喜勝沙爹萵筍湯～先品嘗一碗花膠雞湯，味道鮮香濃稠，每啖都充滿骨膠原，入面仲有唔少花膠，好足料呀👍🏻❀ 本地手切牛 🐮成碟手切牛肉望落好新鮮😍 肉質鮮嫩且有彈性，食落牛味好濃厚呢～❀ 茅台新鮮牛頸脊抓邊 🐮鍾意飲酒嘅朋友必點✨ 上枱後由店員將一小杯茅台倒入牛肉再攪拌，口感爽彈亦散發陣陣酒香，好吸引呀😝❀ 極品第一刀 🐷第一刀係指劏豬時嘅第一刀，即豬頸椎及頭下部分✨ 肉質軟腍爽嫩，油花分佈均勻，唔會太油膩❀ 梅菜豬肉丸 🐷❀ 蝦丸 🦐❀ 墨魚丸 🦑打邊爐當然唔少得叫丸類啦！每款都係大大粒，新鮮又彈牙，份量十足😍❀ 新鮮雞子 🐥有別於平時見到嘅偏白色急凍雞子，依款係新鮮且帶光澤，口感好特別呢😝❀ 黑柏葉 🥢新鮮爽脆帶嚼勁❀ 咖喱魚旦 🥢❀ 懷舊魚肉燒賣 🥢❀ 豉油王猪大腸 🥢除咗火鍋配料，仲叫咗幾款港式街頭小食迎合返餐廳主題😝 ❀ 炸品三寶 🥢有齊豆卜、炸魚皮及魚腐😍 輕輕碌下就食得，脆卜卜好正！