Video
Read full review
2022-02-16
162 views
最近由一間銅鑼灣麵包舖製作嘅麻糬波波成爲網絡上話題小食，經常見到店舖前大排長龍，假日輪候時間甚至以一個小時起跳。🕛根據網上報道得知餅店由前四季餅厨主理，相信成品質素有一定保證，而且價錢相宜，難怪人氣高企，大排長龍。可惜小編我今日去排隊購買體驗十分不愉快，排在我身後嘅顧客亦都怨聲四起。以下除咗分享麻糬波波食評，亦會分享排隊經驗，比各位讀者購買前一個參考。👣排隊經驗 （注：於星期日購買）根據網上資訊，餅店於每日中午12點發售麻糬波波。今日我於12點已到達餅店。店鋪前已有十幾人等候，眼見並非太長龍於是排隊。餅店門外貼有等候時間為20分鐘提示，但係去到12點半，仍未見前方龍頭移動跡象，直至12點45分先見到店員指示隊頭嘅顧客進内購買。不過眼見前方只消去幾個人，等咗接近一個鐘嘅我依然排在第10名左右。。。回頭一望，龍尾已有幾米遠。呢個時候，排在我身後嘅顧客亦開始鼓燥。以餅店資訊顯示，理應已經出咗兩爐約100個麻糬波波嘅數量。但係最終我排咗一個半鐘先買到。而口味上亦只買到原味菠蘿皮及最後一個伯爵茶。（如要購買朱古力/抹茶味須再等候15-20分鐘）👣排隊感想明白店家細，設備唔夠大係難以消化大量購買，
根據網上報道得知餅店由前四季餅厨主理，相信成品質素有一定保證，而且價錢相宜，難怪人氣高企，大排長龍。可惜小編我今日去排隊購買體驗十分不愉快，排在我身後嘅顧客亦都怨聲四起。以下除咗分享麻糬波波食評，亦會分享排隊經驗，比各位讀者購買前一個參考。
👣排隊經驗 （注：於星期日購買）
根據網上資訊，餅店於每日中午12點發售麻糬波波。今日我於12點已到達餅店。店鋪前已有十幾人等候，眼見並非太長龍於是排隊。
餅店門外貼有等候時間為20分鐘提示，但係去到12點半，仍未見前方龍頭移動跡象，直至12點45分先見到店員指示隊頭嘅顧客進内購買。不過眼見前方只消去幾個人，等咗接近一個鐘嘅我依然排在第10名左右。。。回頭一望，龍尾已有幾米遠。呢個時候，排在我身後嘅顧客亦開始鼓燥。以餅店資訊顯示，理應已經出咗兩爐約100個麻糬波波嘅數量。但係最終我排咗一個半鐘先買到。而口味上亦只買到原味菠蘿皮及最後一個伯爵茶。（如要購買朱古力/抹茶味須再等候15-20分鐘）
👣排隊感想
明白店家細，設備唔夠大係難以消化大量購買，但係輪候時間絕對唔係店家標示嘅20分鐘咁短，足足係三倍嘅時間！由第一輪出爐時間已經與説明不符，真係有中伏嘅感覺。但係等候嘅時間已成爲沉沒成本，唯有繼續等，買個包排到好似做檢測咁。。。只能祝龍尾嘅人好運。另外每次出爐得一款口味，想等其他款，就會錯過新鮮熱辣辣食嘅時機。極度懷疑網絡好評到底係咪打手。
我喺店家官方IG見不少網友留言投訴排隊安排極差，表示如須應付大量人潮亦應派籌以舒緩人流，更何況疫情之下。但睇黎店家無做任何改善措施，好似故意好多人排隊以增加店家話題及名氣。Anyway相信呢次係我最後一次光顧呢間餅店。
除此之外，我見到有一篇IG文標示菠蘿皮麻糬波波係呢閒餅店「全港首創」，但早喺多年前我屋企附近已經有餅店有類似麻糬波波，價錢亦只係$4一個。呢款麻糬包大受街坊歡迎，只係無社交媒體特別報道，所以無一窩蜂人去購買。味道上我覺得差無幾。
講左咁耐，終於到食評
菠蘿QQ
$8
4 views
0 likes
0 comments
🍽️菠蘿QQ （$8/1件；$15/2件）每人限購6️⃣個
新鮮出爐確係充滿牛油香，外皮如菠蘿包一樣鬆脆，類近曲奇質地，香而不膩。裏面麻糬夠煙靭，但並非如網絡上所講可以拉絲。
整體口感非常豐富，有空氣感之餘亦有咬口。只係凍咗之後，菠蘿皮會縮落去變到好扁，店家比嘅透明密實膠袋亦無通風洞疏走水蒸氣，唯有自己唔好sip晒個袋。
伯爵茶QQ
$8
5 views
0 likes
0 comments
伯爵茶QQ
$8
7 views
0 likes
0 comments
🍽️伯爵茶QQ
購買當時已經扁塌咗，但對於口感無大影響。一咬下有淡淡伯爵茶味道，但後來被烘香嘅黑芝麻主導成個包嘅味道。呢款味道嘅麻糬比前一個菠蘿皮更加厚實，甜度適中。
———————————————————————
各方面味道其實唔錯，但未至於網絡上好評咁讚到天上有地下無。呢個麻糬波食得出係有誠意嘅包點，水準扎實，但只係店家排隊時間唔清晰。排個半鐘換6個包真係太浪費時間，所以我唔會特別推薦。
推介指數：💛💛💛🤍🤍 （唔好特登排隊）
📌注意事項：
- 屎忽好㾗先好去買⚠️
Post
