捌壹壹 (蘭芳道)

Open Now

Now Closed

一直都有聽身邊嘅人介紹捌壹壹嘅冷鍋酸菜魚，鯊仔本身好鍾意食酸菜魚，今次特登出到銅鑼灣一嚐酸菜魚嘅滋味~🐟 必食冷鍋酸菜魚 $234賣相嚟講，酸菜魚份量睇落幾足，而且花椒同八角等配料都豐富，叫咗小辣，味道唔算好辣，辣味唔算好出，麻亦唔算太麻，反正酸菜嘅酸味比較出，魚肉食落都滑身，肉質都厚實，而且配上煙韌嘅寬粉，寬粉掛湯，連魚肉一齊食，幾惹味。😋 黑糖糍粑（大）$58糍粑已經成為每次川菜必食嘅甜品，糍粑都算大嚿，炸得外脆內軟，內餡煙韌軟熟，而且熱辣辣，配上濃郁嘅黑糖漿，食落飽滿可口。