Gastrobox (Closed)

~卡邦尼忌廉蛋黃汁天使麵($58)🍝雖然係下午茶餐☕️，但份量絕對係午餐黎😝。食落去卡邦尼味道好濃郁😚，醬汁係比較濃稠嘅少少🤏，完全黏住啲天使麵😌。味道係唔錯嘅😗，但可能個天使麵煲得來咗少少所以比較黏同碎身😅。~全日早餐($98)🍞放假真係特別鍾意食全日早餐🤓，好似特別有休閒嘅感覺咁😚。呢個全日早餐包左炒蛋🥚,脆煙肉🥓,豬肉腸🐷,香煎番茄🍅,大啡菇🍄,薯餅同多士🍞，絕對可以提供到全日的能量啊🤪。~英式蘋果酒炸物大拼盤($208)🍽黎到已經諗緊會唔會生飛滋😂，不過熱氣都值得嘅😌。不嬲炸嘢只要新鮮熱辣都好難輸😎，仲要呢個有齊晒薯條🍟，魷魚圈🦑，蝦🦐，蠔🦪同魚🐟。特別推薦個魚👍🏻，魚肉夠晒嫩滑😋，唔係平時嘅魚柳黎😗。btw，如果係晚餐食配酒一流🍻。~凍咖啡🍹~凍奶茶又係可以自己加奶同糖😝。✨店員服務態度好好👩‍💼，而且嗰日咁岩冇咩人👀，舖頭仲要播啲古典音樂🎶，好似同個friend包場食緊嗰啲高級西餐咁😂。