炊豕店 (加路連山道) (Closed)

今日同朋友嚟到呢間炊豕店食晚餐，黎到6:30左右，已經開始要排隊，排隊期間已經同朋友諗定要食啲咩，原本打算食人氣推介嘅蔥油豬扒飯，但等到我哋入去嘅時候已經冇晒蔥油😭😭。唯有退而求其次，叫左秘製豬扒飯（咖喱汁）（$60）同厚餐肉煎蛋飯（$52）加肉燥汁（+$8），再加多個炸芝麻雞翼（$28）。秘製豬扒飯嘅豬扒選用炸嘅形式烹調，本身已經有香料作為調味，就算唔落醬汁，味道都唔會單調，外皮炸到酥脆，好食！厚餐肉煎蛋飯，午餐肉非常厚身，外層煎到脆香，裡面肉質仲好軟身，而煎蛋半煎半炸嘅形式烹調成荷包蛋，蛋白脆身，蛋黃流心～🤤哩度所有醬汁都同飯分開另上，可以比食客自己調節醬汁份量。咖喱汁食落去唔辣，正常發揮，而肉燥汁以肥豬肉作為主要材料，醬汁味道偏甜，兩個醬汁來講，個人比較鍾意肉燥汁。（不過我最想試吓就係佢嘅蔥油😭😭）兩個人食到好飽，最後埋單平均每人唔過百，喺銅鑼灣呢個地段來講，真係平民之選～