Video
Read full review
2024-08-13
662 views
📍The Grill Room (銅鑼灣廣場二期) (銅鑼灣)銅鑼灣駱克道463-483號銅鑼灣廣場二期3樓3B號舖今日同朋友慶祝生日，嚟咗銅鑼灣廣場二期嘅the grill room 食晚飯慶祝，首先一嚟到呢度嘅Waitress已經好有禮貌咁樣嚟接待我哋，環境有少少暗，但係好有氣氛，位置坐得好舒服好闊落，勁適合情侶慶祝Anniversary，或者食生日飯。咁我哋當日首先就叫咗一個Scallop Pumpkin Soup，味道係甘甜，而且中間有好大粒帶子，飲完個湯之後變得開胃咗。Porcini Mushroom Risotto，佢嘅味道十分之香，聞到都已經覺得好好食，雖然係意大利飯，但係我覺得佢嘅軟硬都適中，因為之前食過一啲意大利飯真係超級硬，個人認為呢一個唔錯，除咗佢氣味好香之外食落去都好Creamy，而且好重牛肝菌嘅味道，我個人超級喜歡。Mussels & Clams Rigatoni，意粉有少少硬，但係勝在醬汁惹味，而且mussels都幾鮮甜，呢樣又幫佢加返唔少分。最後我哋仲叫多咗一個Smashed Potato，焗薯好香，我哋連皮都食埋，中間應該係他他醬，提供咗我哋呢個飽肚嘅感
銅鑼灣駱克道463-483號銅鑼灣廣場二期3樓3B號舖
今日同朋友慶祝生日，嚟咗銅鑼灣廣場二期嘅the grill room 食晚飯慶祝，首先一嚟到呢度嘅Waitress已經好有禮貌咁樣嚟接待我哋，環境有少少暗，但係好有氣氛，位置坐得好舒服好闊落，勁適合情侶慶祝Anniversary，或者食生日飯。
咁我哋當日首先就叫咗一個Scallop Pumpkin Soup，味道係甘甜，而且中間有好大粒帶子，飲完個湯之後變得開胃咗。
Porcini Mushroom Risotto，佢嘅味道十分之香，聞到都已經覺得好好食，雖然係意大利飯，但係我覺得佢嘅軟硬都適中，因為之前食過一啲意大利飯真係超級硬，個人認為呢一個唔錯，除咗佢氣味好香之外食落去都好Creamy，而且好重牛肝菌嘅味道，我個人超級喜歡。
Mussels & Clams Rigatoni，意粉有少少硬，但係勝在醬汁惹味，而且mussels都幾鮮甜，呢樣又幫佢加返唔少分。
最後我哋仲叫多咗一個Smashed Potato，焗薯好香，我哋連皮都食埋，中間應該係他他醬，提供咗我哋呢個飽肚嘅感覺。
呢度晚餐，價錢唔算平，兩個人大約$800，如果想飲Sparkling Water，需要另外收費。但係食物質素同埋環境氣氛我覺得都幾ok, 特別係一啲節日嘅慶祝嚟呢度食飯，我覺得都係一個幾唔錯嘅選擇！
#hkfoodie #hkeats #thegrillroom #香港好去處 #香港打卡 #香港美食 #西餐 #扒房 #銅鑼灣 #銅鑼灣美食 #香港探店 #香港必吃 #香港美食攻略
Post
