Video
Read full review
2025-02-05
56 views
一直都有幫襯開，不過平時主要都係食豬手，今次留意到有芝士火鍋，醒起自己已經好耐冇食，而餐廳本身都保持到高水準，所以就諗住過嚟試一試睇吓點，最後就捧住個food baby走咗。Lo Hei坐低嗌咗嘢食冇幾耐，餐廳就送咗「撈起」作為賀年食品，拎個好意頭，但係原來已經係最後一日，覺得自己真係太好彩！配料相當豐富，七彩顏色有蘿蔔絲青瓜絲，醬汁都好香，最後喺面頭灑滿薄脆，口感滿分！最重要係送嘅！Lobster tail Halibut Steak $280一上枱嘅時候就俾個比目魚扒震驚咗，好耐都冇見過咁厚嘅比目魚扒，平時好多餐廳都係三文魚，但係我自己都幾鍾意食比目魚，所以見到嗰陣就即刻嗌咗，但係冇諗過佢咁厚。但係不得不讚就係即使咁厚，但係魚肉相當之嫩滑，保證唔腥，食到我停唔到口，反而龍蝦味都好似變咗配角咁。但係其實龍蝦味都燒得相當之香口，肉質的都好彈牙。我覺得醬汁都有唔少加乘，佢同個海鮮平衡得好好，唔會搶咗海鮮嘅鮮味。Cheese Fondue Set $388‼️超級推薦‼️作為冬季限定，本身已經值得嗌，最重要係作為芝士控，見到唔嗌真係對唔住自己。已經有勁耐冇食過芝士火鍋，一食嘅時候啲回憶返晒嚟，
Lo Hei
坐低嗌咗嘢食冇幾耐，餐廳就送咗「撈起」作為賀年食品，拎個好意頭，但係原來已經係最後一日，覺得自己真係太好彩！配料相當豐富，七彩顏色有蘿蔔絲青瓜絲，醬汁都好香，最後喺面頭灑滿薄脆，口感滿分！最重要係送嘅！
Lobster tail Halibut Steak $280
一上枱嘅時候就俾個比目魚扒震驚咗，好耐都冇見過咁厚嘅比目魚扒，平時好多餐廳都係三文魚，但係我自己都幾鍾意食比目魚，所以見到嗰陣就即刻嗌咗，但係冇諗過佢咁厚。但係不得不讚就係即使咁厚，但係魚肉相當之嫩滑，保證唔腥，食到我停唔到口，反而龍蝦味都好似變咗配角咁。但係其實龍蝦味都燒得相當之香口，肉質的都好彈牙。我覺得醬汁都有唔少加乘，佢同個海鮮平衡得好好，唔會搶咗海鮮嘅鮮味。
Cheese Fondue Set $388
‼️超級推薦‼️作為冬季限定，本身已經值得嗌，最重要係作為芝士控，見到唔嗌真係對唔住自己。已經有勁耐冇食過芝士火鍋，一食嘅時候啲回憶返晒嚟，芝士醬相當香濃順滑。而個德國腸仔同埋西班牙肉丸都好有誠意，腸仔本身就好多汁，一啲都唔柴，啖啖肉，而個肉丸一咬落去又係爆曬汁，超級juicy。啲炸薯角又係炸得相當金黃香脆，搞到我忍唔到口係咁食。不過過程入邊。我最鍾意都係啲青蘋果同埋提子，有時食到有啲你酸酸甜甜真係好幫到手。兩個女仔嚟講食嗰陣都有少少吃力，呢個價錢真係超值，啲麵包好香口，但係最後都忍唔住放棄咗。
Mulled Wine $58
熱紅酒真係冬天必飲，勁香濃嘅肉桂味，仲有啲橙皮檸檬添。本身個紅酒都幾易入口，越飲個味道就越香醇，啲香料味慢慢散發晒出嚟，越飲越好飲，最重要係唔會好影響到紅酒本身浸味，甜度都控制得好好。
Spice $58
超級鍾意薑味嘅嘢飲，冬天飲真係好暖身，最重要係呢杯嘢飲仲有啲蜜糖，平衡到薑酒本身帶少少嘅辛辣，入口相當順滑，係我鍾意嘅甜度，絕對唔會揦喉嚨，超級推薦趁而家冬天嗌返杯。
Post
