山止川行 (Closed)

銅鑼灣出名多好嘢食😋不過多數都係西餐廳同埋cafe比較多，估唔到連川菜都有！仲要價錢都幾相宜😳我哋分別叫咗2個「山止川行一人午市套餐」$128未計加一，可以揀2款前菜、1款主菜而且仲包埋汽水/酸梅湯☝🏻超豐富！.一齊嚟睇吓我哋食咗啲咩先🥢前菜：😋紅油蒜泥白肉四川口水雞紅油青瓜牛展雷椒皮蛋雖然係跟餐前菜，但係擺盤完全唔馬虎，仲好精緻添❤️蒜泥白肉以卷狀形式呈現，令香料可以滲透喺肉片同埋青瓜片入面，好惹味；口水雞唔會太辣，而且啲雞肉頗嫩滑，唔錯；牛展口感彈牙，同青瓜嘅爽脆口感好夾；雷椒皮蛋係送飯一流嘅~壓辣嘅尖椒再加入多種調味料，令尖椒更容易索晒啲汁料，連同皮蛋一齊食，非常開胃😋.主菜：酸菜桂花魚水煮安格斯牛肉呢兩道主菜賣相極之吸引，啲桂花魚幾嫩滑，而且酸菜湯亦唔錯，多種調味料連同桂花魚一齊送飯，愈食愈開胃🥰水煮安格斯牛肉唔會太辣，少少麻，牛肉亦煮得剛好，幾juicy唔會「鞋烚烚」☝🏻.食完呢兩個一人餐其實都好飽下，但係想食埋個甜品，感覺圓滿啲~所以我哋額外再叫咗個豆沙鍋餅😋豆沙餡唔會太甜，幾香濃豆味，而且外皮炸得金黃酥脆，厚薄控制適中，唔錯👍🏻個人表示欣賞.整體嚟講，呢度性價比幾高，食物份