MEMOIR (Closed)

喺銅鑼灣行完街，都係去咗永光中心搵嘢食，見到西餐平平哋，就揀咗呢間。入到去發現原來佢係一間有故事嘅餐廳，做緊活動係大家聚餐嘅時候，將電話放入店舖精美嘅鳥籠入邊，令到大家嘅聚會當中係唔會出現撳電話同玩電話嘅情況，咁就可以獲得甜點。餐湯係忌廉湯， Creamy，入口好滑。$128 檸檬明太子象拔蚌忌廉扁意粉第一次食到明太子配檸檬呢個口味，原來兩者都幾夾，好清新。加入咗檸檬之後，明太子就唔會太鹹，啱啱好。每一條意粉都掛滿醬汁，象拔蚌彈牙。$148 蕃茄墨魚汁海鮮意大利飯係黑蚊蚊嘅墨魚飯，最得意嘅係，食完唔會好似其他咁成咀都黑色。帶有蕃茄味，配上蝦，帆立貝，蟹鉗，呢個價都幾抵食。+$98 鵝肝配蘋果跟餐加錢就可以食到鵝肝，鵝肝煎得啱啱好，超級Juicy，配埋蘋果蓉，清新。+$48 黑加侖子薄荷特飲第一次見到呢個組合。成杯嘢都好啱打卡，好靚甜甜地之餘就有薄荷香，成個醒晒。+$0 凍檸水雖然佢冇檸檬，但飲落口係凍檸水味，糖漿可以另外自己加。總括嚟講，銅鑼灣呢個價錢算平，有驚喜。