Video
Read full review
2021-10-21
41 views
銅鑼灣新開嘅泰國菜，茶記格局有大量卡位，裝修簡約舒適。價錢相當親民，精選2人套餐（$298)睇落好抵食，一於試吓！【碎肉生菜包（豬）】泰國菜必食之一嘅生菜包，呢度可以揀豬或雞肉，我覺得呢度菜最夾都係豬肉。豬肉加埋啲香料同辣椒，辣辣地好開胃！【泰式古法煲仔翅】呢個煲仔翅散叫都要$128，個SET包埋真係好抵食！上到枱可以見到上面舖滿蟹肉同金華火腿，最緊要係用「真翅」，並非素翅或粉絲，十分之足料！另外仲有一碗芽菜同芫荽畀你撈落去食，阿姐再三叮囑要撈埋落去，哈哈！同中式嘅翅真係有啲唔同，間中食到金華火腿個鹹味會彈出嚟咁，好特別吓！呢道菜我幾鐘意，下次再食呢間會Encore！【炸蝦餅】泰國菜定番菜式！以後套餐咁叫個份量會少啲，點知都係一齊碟，有八個半件，兩人食真係超足夠！彈牙嘅蝦肉配上炸到金黃色嘅脆片，冇乜嘢可以挑剔。【菠蘿海鮮炒飯】套裝可以揀金邊粉或菠蘿炒飯，散叫好似係冇菠蘿炒飯，於是就揀嚟試吓。算係好足料，份量都好多，有蝦仁、帶子、魷魚等等，係個魷魚冇乜味，其他配料都正常發揮！成個套裝真係好豐富，食埋個抄飯大滿足！【飲品】套裝唔包飲品，另外散食嘅！椰青鮮甜，椰肉未算最軟嘅狀態，但都好易𢳂埋
【碎肉生菜包（豬）】
泰國菜必食之一嘅生菜包，呢度可以揀豬或雞肉，我覺得呢度菜最夾都係豬肉。豬肉加埋啲香料同辣椒，辣辣地好開胃！
【泰式古法煲仔翅】
呢個煲仔翅散叫都要$128，個SET包埋真係好抵食！上到枱可以見到上面舖滿蟹肉同金華火腿，最緊要係用「真翅」，並非素翅或粉絲，十分之足料！另外仲有一碗芽菜同芫荽畀你撈落去食，阿姐再三叮囑要撈埋落去，哈哈！同中式嘅翅真係有啲唔同，間中食到金華火腿個鹹味會彈出嚟咁，好特別吓！呢道菜我幾鐘意，下次再食呢間會Encore！
【炸蝦餅】
泰國菜定番菜式！以後套餐咁叫個份量會少啲，點知都係一齊碟，有八個半件，兩人食真係超足夠！彈牙嘅蝦肉配上炸到金黃色嘅脆片，冇乜嘢可以挑剔。
【菠蘿海鮮炒飯】
套裝可以揀金邊粉或菠蘿炒飯，散叫好似係冇菠蘿炒飯，於是就揀嚟試吓。算係好足料，份量都好多，有蝦仁、帶子、魷魚等等，係個魷魚冇乜味，其他配料都正常發揮！成個套裝真係好豐富，食埋個抄飯大滿足！
【飲品】
套裝唔包飲品，另外散食嘅！椰青鮮甜，椰肉未算最軟嘅狀態，但都好易𢳂埋出嚟食。珍多冰入面除咗三色啫喱，仲有大樹菠蘿肉同椰果，好豐富！
銅鑼灣嚟講，少有一間好食又價格親民嘅泰國菜，絕對有潛質成為我星期三晚返學前嘅飯堂，哈哈！
Post
