小桃咖啡室 (Closed)

今日同朋友行過銅鑼灣，想搵間cafe坐低食下下午茶，咁啱上openrice見到呢間cafe評價同環境都唔錯。餐廳係時代廣場出口比較近，小食店轉右行幾步就到。平日兩點半左右同朋友到間cafe，cafe入面人唔多，同朋友一邊傾計一邊食野都坐左兩個幾鐘。餐廳環境幾好，外面有一列bar枱，可以望到外面銅鑼灣街道，如果夜晚飲住啤酒望街景就會好chill!入面仲有包廂，如果多人啲應該可以安排入獨立房間。食物方面同朋友兩個人叫左一份西冷牛扒1人餐，餐包括一份煙三文魚凱撒沙律、羅宋湯配餐包、西冷牛扒配薯條、Tiramisu。另外再加左個法國酥皮田螺（$38），田螺外面係酥皮包住，底層係脆皮，有口感飲品方面朋友叫左杯大嘅Heineken (500ml)，我就叫左杯cocktails—snowball，易入口，酒味淡，雪糕溶左更加唔似飲緊酒。整體服務同環境都好，適合2-4人小聚、多人聚會，或者一個人放工去bar 枱chill，而且入面都有board game 玩，可以一邊食、一邊傾計又一邊玩。