Video
Read full review
2023-05-10
1178 views
位於銅鑼灣嘅核心地區，sugar+以品味同藝術成為新地標，點解咁講？因為哩棟設計獨特嘅大廈裡，有唔少fine dining，無論系朋友共聚還系特別節慶日子都好合適。而今日嚟嘅哩間新派日法創意料理Blendin，更系Sugar+ 唯一設有半露天戶外座位的餐廳，可俯瞰維港醉人海景同維多利亞公園。餐廳以淡雅嘅米白色同木色為主調，座位之間間隔闊落，非常舒適。晚飯途中隔離枱仲慶祝生日，滿滿嘅氣氛同儀式感！▶️北海道帶子Carpaccio($220)清新又開胃的前菜。帶子切成片狀擺盤，每片夾有芥末、切成薄片的櫻桃蘿蔔，加上微酸的醬汁，清甜開胃。▶️廣島燒蠔湯($150)真材實料炮製，每一口都系濃郁嘅蠔味，需趁熱飲用，冷卻後蠔味容易變腥～湯的分量掌握得很好，啖啖濃郁令人有強烈印象，又不會太飽影響之後的主菜。▶️黑松露野菌湯($120)離遠已經聞到黑松露香氣，每啖湯汁中都飲到野菌粒。▶️阿根廷紅蝦扁意粉($350)製作中加入了蝦膏，令味道鹹鹹香香，更特別系在意粉中竟然混有蟲草花，中西合璧的構思又幾特別～而意粉表面更有兩隻紅蝦，蝦肉爽口，最岩中意食海鮮嘅我！▶️黑松露意大利飯($350)黑松露同野菌結合，令個飯香
餐廳以淡雅嘅米白色同木色為主調，座位之間間隔闊落，非常舒適。晚飯途中隔離枱仲慶祝生日，滿滿嘅氣氛同儀式感！
▶️北海道帶子Carpaccio($220)
清新又開胃的前菜。帶子切成片狀擺盤，每片夾有芥末、切成薄片的櫻桃蘿蔔，加上微酸的醬汁，清甜開胃。
▶️廣島燒蠔湯($150)
真材實料炮製，每一口都系濃郁嘅蠔味，需趁熱飲用，冷卻後蠔味容易變腥～湯的分量掌握得很好，啖啖濃郁令人有強烈印象，又不會太飽影響之後的主菜。
▶️黑松露野菌湯($120)
離遠已經聞到黑松露香氣，每啖湯汁中都飲到野菌粒。
▶️阿根廷紅蝦扁意粉($350)
製作中加入了蝦膏，令味道鹹鹹香香，更特別系在意粉中竟然混有蟲草花，中西合璧的構思又幾特別～而意粉表面更有兩隻紅蝦，蝦肉爽口，最岩中意食海鮮嘅我！
▶️黑松露意大利飯($350)
黑松露同野菌結合，令個飯香濃可口。上面嘅香煎蝦肉份量慷慨，非常滿足嘅主菜。
▶️黑毛豬T-bone($520)
食肉獸表示完美嘅一餐點可以冇肉？點返個黑毛豬，以T-bone部位呈現，煎至外香內嫩，醬汁系點睛之筆，非常好味！此外都欣賞底下嘅薯菜，一睇就知道用料足，五彩繽紛營養均衡~
▶️煎鱈魚配檸檬牛油泡沫($520)
鱈魚煎得恰到好處，很考大廚功夫。入口鮮嫩不腥，外皮焦脆。而檸檬牛油泡沫令賣相高級。不得不提提配角薯蓉，好味到幾乎超越主角，薯蓉磨至幼滑，加上邪惡的牛油和cream，哩個薯蓉我可以食一碟😂。
Kappa($88)/Fairy($88)
賣相超igable嘅mocktail，唔止樣靚，味道都驚豔，特別系菠蘿飲品，有微微嘅草木香氣🌿。
Post
