Neko Puff

Open Now

Now Closed

Neko Puff 嘅甜品有世界冠軍甜品師傅在陣，拿破崙更榮獲世界賽冠軍，一直都好受歡迎。近日見到銅鑼灣原來開咗新分店，地點位於時代廣場後面，啱晒成日去開銅鑼灣嘅我又多個選擇。新店店內掛滿非常可愛嘅貓貓畫作，水杯和擺設都係貓貓造型，店內仲有貓貓圖案嘅精品手飾可供購買，貓奴見到特別開心療愈。我今次買咗幾件試下。✨黑朱古力咖啡小立方拿破崙 $50✨日式草莓小立方拿破崙 $50✨熟成芒果小立方拿破崙 $50拿破崙嘅千層酥皮食落鬆脆，芒果果肉同士多啤梨味道清甜唔酸；選用法國直送嘅厚忌廉食落更細緻幼滑。✨熟成芒果牛角包窩夫 $40選用熟成芒果味道鮮甜，面層厚厚嘅忌廉已經好吸引，食落幼滑，牛角包窩夫鬆脆內軟，更充滿牛油香味，好好味呀。Neko Puff 好細心有附送手套，方便大家用手拎住食，抵讚。銅鑼灣新店除左主打拿破崙之外，仲有即叫即製嘅迷你版拿破崙和日式蒙布朗麻糬蛋糕。更有連續四年得到日本最佳煎茶大獎嘅西村番茶屋抹茶，另有日本皇室御用咖啡，係度飲杯茶食件餅都係唔錯選擇。