Nafafa Thai Cuisine & Lounge (Closed)

銅鑼灣利園新開咗間高檔泰式餐廳，主打正宗泰菜，由泰國空運多款新鮮食材。餐廳裝修好有泰式風格，空間感大，好適合聚會或者慶生。炭燒泰國大河蝦 330g/隻 $368炭燒泰國大河蝦係餐廳招牌之一，仲大隻過我喺泰國食嗰啲🤣 影完相店員會幫手切開兩邊，蝦肉爽口啖啖肉。面層仲有好多橙黃色蝦膏，點埋青醬酸酸辣辣好惹味。😋馬莎文牛肉咖喱 $198馬莎文咖喱味道甜甜地，唔會好辣，牛肉嫩滑。另外加咗烤餅點咖哩食，烤餅有2件，烤得好乾身，冇油膩嘅感覺。🤤椰香芒果糯米飯 $98甜品都好啱打卡，糯米飯有3款顏色同味道，有原味、蝶豆花同班蘭。椰漿椰香味濃郁，芒果幾甜，唔錯。💕Nafafa Thai Milk Tea連冰都係用泰式奶茶整成，夠晒誠意。🧡泰式奶茶好濃郁，唔會過甜，好飲。