南龍冰室 (Closed)

跟男友想食返啲港式口味。咪以為銅鑼灣，只有「來佬貨」餐廳。其實仲有好多舊式茶記、冰室。左哄右哄，走咗去南龍冰室！睇下啲裝修，幾鬼有香港風味！就連個水吧，都特別有懷舊感～～很可愛的餐牌！今晚就食返啲茶記小菜！XD口痕痕，先黎個菠蘿油！個包，好鬼軟熟。食起上黎軟線線，如果片牛油再大塊啲，就仲正！蝦醬叉燒炒飯雖則個叉燒少咗啲，但不得不讚個蝦醬又夠晒味！而且好鬼香！呢個炒飯會濕少少，不會極度乾身。食起上黎，就會少啲熱氣感。而且夠晒蝦醬味，就更為惹味了！啫啫雞煲，我去茶記食晚飯必叫！呢度個雞煲夠晒入味！而且，雞都幾滑溜，惹味到停唔到口！黑椒鐵板豬手原隻上，夠晒霸氣！而且黑椒不會太辣，重香、重惹味。點個醬汁，食起上黎就特別香濃。內裡的肉，火喉剛剛好，不會太老，也不會鞋口。點汁食就一流了！咕嚕肉，是這裡必食的小菜。因為真係炸得很香，個甜酸汁調配個味一流，剛剛好！入面啲肉，仲要有啲鬆化感，好好食呢～～ 令人滿足的一餐