Gustoso Burger (海都大廈) (Closed)

今日喺銅鑼灣而且時間又有d趕，就去左海都大廈嘅Gustoso Burger買外賣自取，因睇食評見依度有和牛漢堡食。今次order左熱熔芝士和牛堡、小食有香芋地瓜丸，飲品揀左冷芒芒綠茶。熱熔芝士和牛堡係用車打芝士所以特別香濃，而且依款芝士味道同和牛好夾，內有不少洋蔥絲，和牛漢堡肉質頂級，牛味香濃又柔軟。香芋地瓜丸值得一讚，外表炸得金黃香脆，內裹熱炙炙有煙靭地瓜味覺，好食。冷芒芒綠茶就有清新芒果味道，加上綠茶嘅淡淡茶香，依杯手作茶一試難忘。