Video
Read full review
2023-08-12
26 views
📍MEMOIR (銅鑼灣)地址：銅鑼灣登龍街28號永光中心17樓今日帶大家黎銅鑼灣MEMOIR🍽️Memoir係法語「memoire」及拉丁語 「memoria」嘅記憶或回想呢間餐廳一入嚟就會見到好靚又打卡able嘅玻璃紙牆，橙黃嘅光影同貼左係牆上嘅極光反光紙，兩者折射嘅花線五顏六色嘅光灑出極之唯美！牆上嘅光影裝置同掛喺到嘅花花鳥巢，不單只令餐廳相當之有氣氛，餐廳亦鼓勵客人放低電話係花花鳥巢，藉此希望大家更好的享受。⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰⋱⋰ ⋱⋰Peach Minty Flizz蜜桃薄荷特飲店員好貼心提醒我哋攪勻先飲，蜜桃梳打水好清爽，好適合而家咁熱嘅時候飲🌞蜜桃味好香，整體唔係話好甜！紙飲筒質地易淋所以後尾就有啲難啜Tofu & Avocado with XO Sauce豆腐牛油果配XO醬豆腐牛油果雖然唔係啲咩新奇嘅配搭，但係配上XO醬嘅感覺好中西混合， XO醬出奇地同兩種食材非常之夾！用佢來做一餐嘅開頭係相當之開胃😋Daily Soup (Lobster bisque)精選餐湯（龍蝦湯)龍蝦湯非常濃郁，加上淡忌廉令湯底質感濃稠，啖啖充滿鮮味，口感相當之
地址：銅鑼灣登龍街28號永光中心17樓
今日帶大家黎銅鑼灣MEMOIR🍽️
Memoir係法語「memoire」及拉丁語 「memoria」嘅記憶或回想
呢間餐廳一入嚟就會見到好靚又打卡able嘅玻璃紙牆，橙黃嘅光影同貼左係牆上嘅極光反光紙，兩者折射嘅花線五顏六色嘅光灑出極之唯美！
牆上嘅光影裝置同掛喺到嘅花花鳥巢，不單只令餐廳相當之有氣氛，餐廳亦鼓勵客人放低電話係花花鳥巢，藉此希望大家更好的享受。
⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰⋱⋰ ⋱⋰
Peach Minty Flizz
蜜桃薄荷特飲
店員好貼心提醒我哋攪勻先飲，蜜桃梳打水好清爽，好適合而家咁熱嘅時候飲🌞蜜桃味好香，整體唔係話好甜！
紙飲筒質地易淋所以後尾就有啲難啜
Tofu & Avocado with XO Sauce
豆腐牛油果配XO醬
豆腐牛油果雖然唔係啲咩新奇嘅配搭，但係配上XO醬嘅感覺好中西混合， XO醬出奇地同兩種食材非常之夾！用佢來做一餐嘅開頭係相當之開胃😋
Daily Soup (Lobster bisque)
精選餐湯（龍蝦湯)
龍蝦湯非常濃郁，加上淡忌廉令湯底質感濃稠，啖啖充滿鮮味，口感相當之豐富🦞
Grilled Fan Scallops
Spaghetti with Sea Urchin Sauce
日式海膽忌廉帆立貝意大利粉
帆立貝落得好足，好大粒而且柱肉好厚實🐚
海膽忌廉醬汁味道好濃郁，啖啖鮮甜嘅海膽味🤤🍝意大利粉口感係Al Dente，既意粉外面軟中間半熟不生，食起黎好有口感，海膽忌廉醬汁亦相當掛汁
Hiroshima Oyster Risotto
日本廣島蠔燴意大利飯
廣島蠔本身已經十分出名飽滿同肉質鮮甜，每顆蠔肉滑嫩鮮甜🦪Risotto帶有稀稠的醬汁，米粒粒粒分明而且有嚼勁，三文魚子增加咗口感之餘，亦為賣相增添幾分👍
New York Cheese Cake
紐約芝士蛋糕
香濃嘅芝士蛋糕好適合做一餐嘅結尾，蛋糕口感順滑，芝士味都好濃！唔會太甜自己一個曬食都ok!!🍰
⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰⋱⋰ ⋱⋰
Menu手寫嘅一字一句非常之有誠意，亦都介紹咗宮崎駿嘅作品，一段簡單嘅文字都會令人反思，放低咗手機就可以更加仔細閱讀同欣賞
好耐之前已經喺OpenRice排行榜見過佢哋，今次食完之後終於明白點解佢哋會上榜，食物質素非常之好之餘餐廳嘅環境都非常舒適優美！好適合一班閨蜜打卡或者情侶慶祝🥰
Post
