小火山 (Closed)

之前去泰國旅行 食咗一款叫泰豬鍋嘅美食 可以同時打邊爐同烤肉 雙重享受美食 呢日經過銅鑼灣竟然俾我重遇呢款美食 咁就梗係要食啦🤩 一入座店員就俾咗蝦片我哋 蝦片係任食㗎小火山x曼谷柏拉差燒烤套餐呢個燒烤套餐真係好豐富 包含有柏拉差醃泰國無激素豬肉同埋牛柳 仲有手切鮮豬膶🐷 豬肉同埋牛柳雖然都比較大片 但係都完全唔使驚唔熟 因為店員教我哋可以先喺火鍋湯底度浸一下 然後再放上去烤盤度燒 咁樣就可以保持肉質嫩滑同埋鎖上肉汁😋 仲附上鉸剪方便我哋剪細啲肉 另外要講嘅就係佢嘅原隻鮮魷魚🦑 真係成條咁上 魷魚彈牙 放上烤盤上面燒非常香鍋底本來鍋底預設咗係蔬菜清湯 但係既然係食泰國嘢 當然想試吓佢嘅泰式湯底啦😛 我哋揀咗小火山牛骨船湯同埋香茅椰汁雞湯 個人比較鍾意佢嘅椰汁雞湯 味道酸酸地幾開胃☺️泰式芭拉魚露拌木瓜沙律朋友話想試埋佢嘅青木瓜沙律 沙律入面內附四隻鮮蝦🦐 比較特別嘅係入面除咗有青木瓜絲之外 仲有車厘茄同埋鮮豆角🫛 味道有幾fresh喎 同埋佢嘅芭拉魚露味道好香 辣辣地咁幾惹味飲品泰式奶茶 泰式奶綠 兩款都幾美味 又唔會好甜 真係好有泰國風味🧋 好難得喺香港食到餐唔錯嘅泰國菜 仲搵到泰豬