小魚兒 (寶漢大廈) (Closed)

烤魚雞煲真係一年四季都咁受歡迎嫁！就算二個人都一班人食都啱嫁！今次就去左位於銅鑼灣寶漢大廈嘅小魚兒。個人鍾意食比較少骨肥美嘅魚。店員就推介凌波魚，特色肉質嫩滑肥美油份重配活火山泡椒剁椒豆花呢款魚幾大條份量十足冇乜細骨，食落唔鞋口啖啖肉容易食，叫配泡椒豆花香辣惹味，豆花較嫩滑；配菜亦有洋蔥、芫荽等等……吸收曬啲湯汁味道一流令人回味。當然可以配其他火鍋配料食更滋味，下次叫埋朋友聚會食就正啦！冰火魷魚咸香海鮮味重帶少許甜味，比例剛好個人好喜歡麻辣涼拌爽魚皮魚皮口感爽脆，又辣又香二款辣味小食送啤酒一流必叫食食吓見到隔離枱叫香蒜燒生蠔 好香好吸引，睇到價錢$138半打又幾抵食啵！上枱蠔肉都肥嘟嘟又爆汁，正爆！整體環境座位寛敞舒適，冷氣夠唔洗怕食到身水身汗同成身味。