Milu Thai มิลู่ไทย (百樂中心)

Open Now

Now Closed

今日同朋友係百樂中心揾咗間叫Milu Thai嘅泰國餐廳食，入到去見到裝修幾新潮，有graffiti令到個環境後生咗好多，求其揾幅牆影相都好IG-able。食物方面，我哋嗌咗青檸酸辣明爐烏頭、馬拉盞炒椰菜苗、炭燒豬頸肉、泰式滷水豬手、同埋泰式蛋包炒金邊粉。上菜速度快得嚟又keep到熱辣辣。每一道餸都好有泰國嘅味道，烏頭肉質好嫩滑，配上青檸同酸辣配料令到個湯底好惹味，粉絲吸晒個湯底好入味，有蠟燭喺爐底興住條魚所以唔會凍到變腥；椰菜苗其他國家嘅菜式比較少食到，用馬拉盞嚟炒好香；豬頸肉用炭燒後都唔算乾身，燒得好香口，肥瘦適中；滷水豬手用泰式嘅方法去煮，炆到好嫩好入味；金邊粉炒到幾乾身，用煎燶咗嘅蛋絲包住金邊粉，切開蛋絲嘅時候，入面嘅金邊粉仲會出煙，呢個方法可以保持到熱度，口感同味道都好過出面好多！另外，飲品嗌咗泰式奶茶同椰青，泰奶唔會太甜太膩，椰青亦都好大個，椰肉都好爽好易刮出嚟，椰青水好鮮甜。今次因為得兩個人，所以冇嗌到火山排骨同埋火焰燒雞，下次會叫多啲friend一齊過嚟食！📍銅鑼灣耀華街3號百樂中心2樓位置就腳：🍊🍊🍊🍊🍊餐廳環境：🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊