緣味小聚 (金百利廣場) (Closed)

又係時候飲啖茶食個包，銅鑼灣呢間緣味小聚有唔少點心食，今日就帶媽咪黎試下！🧸客家鮮咸雞🧸咸雞份量係小食份量，唔會太多，兩個人食就岩岩好。咸雞味道咸香，皮滑肉嫩，咸香得黎仲食到雞肉既鮮味，口感唔會鞋口難食，反而啲雞肉幾嫩幾腍，好好！🪆緣味鮮蝦餃皇🪆蝦餃好大粒，蝦餃皮好薄，薄到睇到入面啲蝦，夠晒薄皮，煙煙韌韌，軟糯粘口，蝦好彈牙好香，熱辣辣新鮮蒸出黎，咬開仲有啲蝦蒸好既精華，非常鮮味！🎈蟹子燒賣皇🎈燒賣都係估唔到咁大粒，圓軲轆一粒，好飽滿，豬肉餡好香，調味好好，用半肥瘦豬肉，口感更加嫩，咬開亦食到蝦肉，好足料，加埋面頭既蟹子冬菇，滋味！🎀回味蘑菇包🎀蘑菇包完全係一粒放大版既蘑菇，造型好靚，好有心思，包好軟熟，質感好好，咬開就係滿滿既蘑菇，味道香濃，中意食菇既一定要叫黎試下，清清地好食！