Video
Read full review
2021-06-10
178 views
銅鑼灣有好多樓上高質西餐廳，今晚嚟咗位於恩平道嘅一間樓上意大利餐廳。餐廳地方雖然一眼可以望晒，但可觀望到街景，一啲都冇壓迫感，環境舒適，頗有異國風情，好適合三五知已或夫妻情侶聊天談心。我地叫左set dinner for two！Corn soup是日餐湯係粟米忌廉湯，湯底稠度豐盈，口感有啲似糊仔，一飲就知道係用新鮮粟米打磨而成，奶香味恰到好處。Mixed greens多種新鮮沙律菜、車厘茄，黑醋橄欖油，酸酸味味，好醒胃。spaghetti do pollo成碟意粉油光度極高，但不覺油膩，反而覺得意粉口感順滑。意粉比正常幼，軟硬度適中。雞胸肉一啲都吾嚡口，主要調味來自蕃茄醬和香草，甜甜酸酸，異常醒胃。Grilled pork collar肩胛肉係豬後背靠頭，肩前端的部份，肉質比較嫩，油脂分佈也比較均勻，最佳烹製方法係做义燒或燉肉。今次廚師用嚟烤，燒烤紋路清淅可見，燒出嚟好有光澤，好有油香，肉味濃郁又吾會乾身，可以講得上juicy。伴碟有三種烤蔬果，青瓜、黃瓜和紅椒，不但香甜爽口，更是三種不同顏色的配搭增加多元維他命健康指數。Iced coffee and iced lemon tea
Corn soup
是日餐湯係粟米忌廉湯，湯底稠度豐盈，口感有啲似糊仔，一飲就知道係用新鮮粟米打磨而成，奶香味恰到好處。
Mixed greens
多種新鮮沙律菜、車厘茄，黑醋橄欖油，酸酸味味，好醒胃。
spaghetti do pollo
成碟意粉油光度極高，但不覺油膩，反而覺得意粉口感順滑。意粉比正常幼，軟硬度適中。雞胸肉一啲都吾嚡口，主要調味來自蕃茄醬和香草，甜甜酸酸，異常醒胃。
Grilled pork collar
肩胛肉係豬後背靠頭，肩前端的部份，肉質比較嫩，油脂分佈也比較均勻，最佳烹製方法係做义燒或燉肉。今次廚師用嚟烤，燒烤紋路清淅可見，燒出嚟好有光澤，好有油香，肉味濃郁又吾會乾身，可以講得上juicy。伴碟有三種烤蔬果，青瓜、黃瓜和紅椒，不但香甜爽口，更是三種不同顏色的配搭增加多元維他命健康指數。
Iced coffee and iced lemon tea
大大杯，有排飲。
整體食物質素值得比讚，兩樣主菜均即煮即上，熱騰騰地送到客人面前，從食味更能感受到廚師的用心烹調。唯一可惜的就是沒有食到呢度嘅甜品，下次一定要叫返個甜品品嚐吓。
Post
