小桃咖啡室 (Closed)

出左黎銅鑼灣行街，行完想搵個地方hea，上網search到有小桃咖啡廳，樓上舖，位於Time square後面，地點不難找。樓上咖啡廳少有的露臺，望出去都幾開揚。露臺位仲有暖爐，係今日唔係太凍的情況下其實係好熱嘅，短袖衫都有點吃不消，好彩有露臺位有啲空氣，亦方便有需要人仕呼吸，不用下下到地面。樓上咖啡廳必備的board game，選擇幾多，隨手攞左盒黎玩。唔知係咩game黎，都幾好玩，好低b。食物到了，點了伯爵茶，說好的曲奇不見了雖也不是重點。茶包紙撕掉了，不知是那個牌子呢，幾香茶味。仲有柚子紅茶，頗甜，份量有點細杯，不夠慢慢hea。食物點了兩份餐，加$48轉餐，有呢個頭盤小食，芝士多士同粟米長通粉沙律，不過不失。主食點了pizza（$108），冰鮮貨質素，同自家焗的分別不大，芝士加辣肉腸大眾口味，味道ok，至少沒有很油膩，不過再看看餐牌，點的巴西風味……不知巴西係咩味？食不出分別來。仲點左店員推介的卡邦尼意粉（$88），幾香喎，意粉彈牙，醬斗亦夠濃，又幾好味喎。食完野再吹下水玩下game哈哈，就跌啦。好耐無玩得咁開心啦。環境略迫，食物質素一般，但不限時段任坐任玩，朋友聚會都ok啦。