Video
Read full review
2020-11-13
442 views
朋友最近新屋入夥，就同佢好好咁食返餐，決定好好咁食餐Omakase，當俾多少少錢，喺疫情期間體驗下當自己去咗日本食餐飯。呢間餐廳位置喺銅鑼灣大街嘅樓上鋪，用餐嘅位置就正正對着希慎廣場，勉強地都可以俯瞰銅鑼灣大街嘅夜景。店入邊嘅裝修算係簡約嘅日式風，只係放咗一啲簡單嘅擺設，類似一般嘅居酒屋格局咁。餐廳座位嘅佈局都算分為兩部份，一邊係傳統式Omakase坐喺師傅面前嘅吧枱，令一邊就係自成一各嘅order枱，總共加埋約20個座位左右。我哋都分別叫咗佢哋嘅「金」套餐($1380)，當中有幾款菜式都值得一提。首先先上前菜，第一碟既頭盤由三小碟冷盤組成，主要食材係蟹同蝦，其中既蟹肉果凍幾特別，係以蟹肉製成既一個果凍方塊，有濃濃既蟹味又有種爽快開胃既感覺，而且幾款前菜都十分新鮮。緊接既前菜組合係冰菜配蕃茄，加上新鮮腐皮。可以食到平時既餐單中唔易見既冰菜相當清爽，而蕃茄非常鮮甜，連皮食完全無食到渣既感覺；鮮腐皮則望落好嫩滑，放入口既時候充滿住濃濃既豆味，個人覺得唔需要落任何既調味料已經好正，喺嘴入面食出種種原味。之後到刺身方面，呢碟以象拔蚌，鰆魚，鯛魚的刺生組合非常鮮味，而每款都為食客但係你唔同嘅口感
朋友最近新屋入夥，就同佢好好咁食返餐，決定好好咁食餐Omakase，當俾多少少錢，喺疫情期間體驗下當自己去咗日本食餐飯。
呢間餐廳位置喺銅鑼灣大街嘅樓上鋪，用餐嘅位置就正正對着希慎廣場，勉強地都可以俯瞰銅鑼灣大街嘅夜景。店入邊嘅裝修算係簡約嘅日式風，只係放咗一啲簡單嘅擺設，類似一般嘅居酒屋格局咁。
餐廳座位嘅佈局都算分為兩部份，一邊係傳統式Omakase坐喺師傅面前嘅吧枱，令一邊就係自成一各嘅order枱，總共加埋約20個座位左右。
我哋都分別叫咗佢哋嘅「金」套餐($1380)，當中有幾款菜式都值得一提。首先先上前菜，第一碟既頭盤由三小碟冷盤組成，主要食材係蟹同蝦，其中既蟹肉果凍幾特別，係以蟹肉製成既一個果凍方塊，有濃濃既蟹味又有種爽快開胃既感覺，而且幾款前菜都十分新鮮。
緊接既前菜組合係冰菜配蕃茄，加上新鮮腐皮。可以食到平時既餐單中唔易見既冰菜相當清爽，而蕃茄非常鮮甜，連皮食完全無食到渣既感覺；鮮腐皮則望落好嫩滑，放入口既時候充滿住濃濃既豆味，個人覺得唔需要落任何既調味料已經好正，喺嘴入面食出種種原味。
之後到刺身方面，呢碟以象拔蚌，鰆魚，鯛魚的刺生組合非常鮮味，而每款都為食客但係你唔同嘅口感，首先象拔蚌就係有比較硬同埋識落會爽嘅感覺，中間嘅鰆魚嘅肉質就比較份粉，鯛魚則比較煙韌係平時食開既刺生質感。整體都整得唔錯，唔會有特別腥味。
之後開始出熟食嘅料理，呢味炙燒拖羅好惹味，拖羅既油脂岩岩好，夾住仲脆既紫菜食，脆既紫菜外皮加埋暖暖地又充滿油脂嘅拖羅片，絕對係一種享受。
之於炸物方面都值得一讚，尤其係炸角切蕃薯，上碟時以為係平平無奇時蕃薯，但食落口先發覺佢既精髓係塊蕃薯片，炸得非常鬆脆，而蕃薯本身都靚，帶有鮮甜又有光澤。
去到最後既甜品部分依然充滿驚喜，首先係一碟自家製既cheese cake，入口芝士味夠濃郁，餅底算做得幾好，伴著時令水果，係夠哂水份同甜度既哈密瓜同蘋果，岩岩好中和番cheese cake既濃味。
除此之外，仲有樣甜品係柚子味雪葩，同樣出色，雪葩入口即溶，唔會係平時食到既死甜，唔會令你覺得十分甜，反而係柚子味會填滿你既口腔，喺你食完十幾道菜式後依然令你既胃醒神。
經過十幾輪既上菜，我地慢慢食都差唔多食左2小時左右，原本頭幾碟既時候覺得份量唔太足夠，但食到尾段都好彩算有飽足感。唯獨美中不足既係我地事前無提早幾日book，只能坐order枱，相信如果能夠坐師傳吧枱會令成餐飯既體驗更加昇華。
Post
