BASAO tea (白沙道) (Closed)

Basao tea主打茶飲，各種清茶、奶類茶飲，仲有茶類甜點、鹹食。裝修採用日式禪系風格，主要用木色、杏色，加入少許植物，簡約、自然，令人喺銅鑼灣鬧市中都可以獲得片刻嘅寧靜。*牛油果酸種麵包吐司配煙燻茶葉溏心蛋 $113酸種麵包烘熱咗外層，中間保持到濕潤度。牛油果切片鋪面，帶少許黑點，淋上微酸油醋汁，配搭經典冇得輸。溏心蛋帶明顯嘅茶香、煙燻，可惜蛋黃稍稍過熟。岩石牛奶 $47大紅袍茶葉用整espresso嘅方法整一shot濃縮茶液，再加入打咗奶泡嘅熱牛奶。茶味奶味各佔一半，平衡得好好，唔會澀，茶嘅回甘味比較少。