日本清酒藏所

Open Now

Now Closed

不知不覺天氣開始轉暖，怕凍既我之前好少出動，宜家轉暖就可以出街食好D！作為日本菜既粉絲，😆一定要試下呢個清酒放題料理，有刺身，煮物，天婦羅，壽司，燒賣同小食等等，另外，高質清酒放題任飲(包括清酒，啤酒，梅酒，燒酎)，都咪話唔抵。😆首先要贊下個好得意既set，非常足料，用料非常新鮮，薯仔沙律，明太子魷魚，柚子果凍, 果凍酸酸甜甜，味道濃厚。天婦羅盛合都好多野食，咬落非常酥脆而且夠味，非常惹味，而且唔會太幹。😆壽司四貫真系好正，深海池魚肉質非常鮮甜，好食，正！甜蝦肉質好彈牙，非常優質😳藏所海膽杯包羅萬有，全部都好新鮮。系銅鑼灣呢個繁華鬧市，依個價錢依個質素黎講都係唔錯既選擇！得閒過來港島行街既朋友，可以試埋。😆