Ember (Closed)

今晚去左間有情調的餐廳，見到有個projector screen 同live band舞台，相信可以比人包場攪event 都得，晚餐有4道菜，難得價錢都係響$208-358 ，實在太優惠，而且好優質，餐湯選了干邑龍蝦湯， 有一大隻蝦，好爽口，鮮甜，個湯底好香濃，配埋香脆蒜蓉包，爽曬啲濃湯，好味。頭盤係香煎法式鵝肝，中間夾著焦糖蘋果，底層夾了脆多士，鵝肝夠大塊，點上黑醋，可以中和膩口感。主菜叫了澳洲M6威靈頓牛柳($358)，期待已久，終於可以食到, 酥皮外脆內軟，唔會太厚皮，好正，中間有蘑菇碎夾心，好香，牛扒指定熟度，真的剛好，牛肉香味好濃，而且好多配菜，我喜愛菠菜。飲品叫了杯白酒，雖然今晚食紅肉餸紅酒較適合，但自己情有獨鍾飲白酒，今晚有三款house wine, 我選了來自阿根廷的Chardonnay ，夠fruity ,好飲呀！甜品係開心果gelato， 聽落都好吸引，食落真係好香開心果味，有斷粒粒開心果仁有嚼口。