Video
Read full review
2023-01-05
102 views
📌 Milu Thai มิลู่ไทย - 銅鑼灣耀華街3號百樂中心2樓🗓(5/1) 星期四 ⏰ 晚上6點左右💈特式：見今日有開心野就決定出去食個靚飯慶祝，另一半又想食泰菜，上網見到呢間評價去到946🙂比8😢，都真係確實係一個唔錯嘅比例，所以就揀左佢嚟試下。🥩🍔🌭🌮🥗🥯🥘🍲🍝🍣🥟🍤🍱食物：見佢餐牌都清晰同有好多不同嘅推介，所以今日就睇住佢d推介去點菜啦，等我同大家講下🇨🇷味道先。火山排骨 - 呢個係餐廳重點推介菜式，我見差唔多枱枱客都有叫，呢個火山排骨上枱真係成座山咁，好有視覺效果，d排骨都好多肉，唔會淨係得舊骨，肉質亦已經煮到好淋身，用手好易就可以撕開，個酸辣醬汁更加起到畫龍點睛嘅效果，酸酸辣辣咁，對味蕾好有衝擊，但如果有同行朋友怕辣嘅話，就可以預先同店員講低醬汁另上，另外上排骨前店員仲會提供埋膠手套同濕紙巾方便客人食用。柚子鮮蝦沙律 - 呢個沙律份量都ok，有好多柚子肉，柚子肉亦唔會好酸，鮮蝦size都大，仲有加入腰果增加脆口感，整體酸酸甜甜都幾開胃。泰式燒牛柳 - 呢個燒牛柳上枱已經聞到好香，入口亦有好重嘅焦香，加上佢用牛柳部位，所以食嚟好鮮嫩同淋滑，加埋佢地個祕制醬汁一齊食仲更加惹
🗓(5/1) 星期四 ⏰ 晚上6點左右
💈特式：見今日有開心野就決定出去食個靚飯慶祝，另一半又想食泰菜，上網見到呢間評價去到946🙂比8😢，都真係確實係一個唔錯嘅比例，所以就揀左佢嚟試下。
🥩🍔🌭🌮🥗🥯🥘🍲🍝🍣🥟🍤🍱
食物：見佢餐牌都清晰同有好多不同嘅推介，所以今日就睇住佢d推介去點菜啦，等我同大家講下🇨🇷味道先。
火山排骨 - 呢個係餐廳重點推介菜式，我見差唔多枱枱客都有叫，呢個火山排骨上枱真係成座山咁，好有視覺效果，d排骨都好多肉，唔會淨係得舊骨，肉質亦已經煮到好淋身，用手好易就可以撕開，個酸辣醬汁更加起到畫龍點睛嘅效果，酸酸辣辣咁，對味蕾好有衝擊，但如果有同行朋友怕辣嘅話，就可以預先同店員講低醬汁另上，另外上排骨前店員仲會提供埋膠手套同濕紙巾方便客人食用。
柚子鮮蝦沙律 - 呢個沙律份量都ok，有好多柚子肉，柚子肉亦唔會好酸，鮮蝦size都大，仲有加入腰果增加脆口感，整體酸酸甜甜都幾開胃。
泰式燒牛柳 - 呢個燒牛柳上枱已經聞到好香，入口亦有好重嘅焦香，加上佢用牛柳部位，所以食嚟好鮮嫩同淋滑，加埋佢地個祕制醬汁一齊食仲更加惹味。
馬拉盞椰菜苗 - 本身想叫通菜，但見到佢有椰菜苗，因為出面唔係間間有，所以就叫左佢再用馬拉盞炒，除左馬拉盞其實仲可以揀清炒/蒜蓉/飛天，不過我鐘意馬拉盞炒會加d蝦米/蝦乾之類，食落有陣咸香味d。
大頭蝦冬蔭公湯 - 因為驚食唔晒，所以冬蔭公就淨係叫左個小size，雖然只係小size，但原來份量都唔小，大約可以分到4碗出嚟，辣度就中等，酸度就唔算好酸個隻，大頭蝦除左size大仲有膏。
☕️🍵🥤🧋🍺🍷🥃🍹🧉🍾🍶🥛
飲品 - 飲品就叫左一個椰青同一杯龍眼冰，椰青好大個又清甜，龍眼冰入面都好多龍眼肉，味道都係偏清甜。
🍽環境：餐廳裝修都幾有心思，用木系材質配上一d塗鴉牆身，坐位都好多，枱與枱都闊落，枱面空間亦都好鬆動，仲見到有唔少卡位，整體乾淨企理，比人感覺都好舒服。
🤵🏻🤵🏻♀️🤵🏻♂️服務：店員態度幾好，會介紹餐廳推介菜，又會關心客人食唔食得辣去推介菜式，亦會提議辣醬汁另上去方便唔食辣嘅客人，上火山排骨時會主動提供膠手套濕紙巾比客人，各方便都體現到店員嘅小心思。
💰💸價錢：因為樣樣都想食，所以越叫越多，其實我叫以上嘅野，比4個人食都夠食，埋單就$800左右，所以人均大約只係$200，係銅鑼灣嘅黃金地段食野，再加上高質嘅食物，價錢都好合理，分分鐘仲平過去九龍城食。
🐲💬總結：我個人好滿意今次呢餐泰菜，食物水準高，又有特色，期待下次嚟試埋佢其他餐廳推介食物，例如咖哩三重奏同生蝦刺身等等。
推薦指數：❤️❤️❤️❤️❤️
火山排骨
$228
7 views
0 likes
0 comments
柚子鮮蝦沙律
$98
9 views
0 likes
0 comments
馬拉盞椰菜苗
$98
15 views
0 likes
0 comments
泰式燒牛柳
$98
19 views
0 likes
0 comments
大頭蝦冬蔭公湯
$128
11 views
0 likes
0 comments
椰青/龍眼冰
9 views
0 likes
0 comments
Post
