Video
Read full review
2018-10-31
109 views
放假約咗要睇三點幾電影，之前有些少空餘時間，就計劃好之前去嘆個下午茶慢慢等。呢間朋友介紹嘅咖啡店位於謝斐道535 Tower，唔知係咪層數關係，樓底極高，而且裝修簡約，感覺既開揚又隱閉，原因佢每一個雅座都係用比較高嘅梳化，給予咗一份私隱度。如果你打算慢慢坐輕鬆一下，呢到每一枱都提供差電位，咁就唔洗怕會電話無電，非常貼心。睇睇餐牌呢度主要菜式除咗有甜品、餐飲，另外仲會有類似全日輕食餐或午餐米飯意粉等等。由於當日早餐唔太飽，所以我柯打咗一個卡邦尼意粉Lunch Set，另外包括一杯飲品同是日餐湯。柯打後最先到達嘅係飲品 凍摩卡。飲料唔係十分甜，但咖啡同奶沖得細滑，間中會食到未完全濃化嘅黑朱古力，回想起感覺真係幾似食黑朱古力嘅體驗。其後到達嘅係是日例湯 蕃茄蔬菜湯，稀杰程度適中，而調味岩岩好，蔬菜配料多故味道十分豐富。個人幾滿意呢個湯嘅表現，清清地蕃茄酸加蔬菜甜味，夠哂開胃！享用完餐湯後，我嘅卡邦尼意粉都接住上，賣相吸引而且可見份量十分足。選用比較肥粗嘅扁意粉，食落比較有飽腹感同嚼勁。而調味方面混合埋些許蛋醬，令到整體更濃厚細膩，加上些少芝士碎同煙肉，味道真係好豐厚。食完整個麵感覺飽滿。總結
睇睇餐牌呢度主要菜式除咗有甜品、餐飲，另外仲會有類似全日輕食餐或午餐米飯意粉等等。由於當日早餐唔太飽，所以我柯打咗一個卡邦尼意粉Lunch Set，另外包括一杯飲品同是日餐湯。柯打後最先到達嘅係飲品 凍摩卡。飲料唔係十分甜，但咖啡同奶沖得細滑，間中會食到未完全濃化嘅黑朱古力，回想起感覺真係幾似食黑朱古力嘅體驗。
其後到達嘅係是日例湯 蕃茄蔬菜湯，稀杰程度適中，而調味岩岩好，蔬菜配料多故味道十分豐富。個人幾滿意呢個湯嘅表現，清清地蕃茄酸加蔬菜甜味，夠哂開胃！
享用完餐湯後，我嘅卡邦尼意粉都接住上，賣相吸引而且可見份量十分足。選用比較肥粗嘅扁意粉，食落比較有飽腹感同嚼勁。而調味方面混合埋些許蛋醬，令到整體更濃厚細膩，加上些少芝士碎同煙肉，味道真係好豐厚。食完整個麵感覺飽滿。總結一下，咖啡店仲有好多小食甜品，賣相都係非常吸引，悠悠閒嘆個寧靜嘅下午茶，呢度幾適合。
Post
