上村牧場 (Closed)

Book咗5:30食燒放題，睇完戲行過嚟啱啱好，留意返六點前入座可享有早鳥價格，點咗中價嘅澳洲和牛燒肉套餐，限時100分鐘，70分鐘last order，飲品自取，最好自己set定計時，以免超過截單時間，呢度以迴轉形式送餐，餐單有幾款澳洲和牛供應，最好食係牛五花，油脂平均，當然口感不能媲美日本和牛，而里肌肉及和牛壽喜燒，因脂肪比例少，口感較嚡，🐔中翼都幾大隻，但爐頭細，即使火力夠都唔夠位擺放太多，海鮮類有帆立貝、魷魚、大🦐。呢度嘅食物種類算多，有較少見嘅煙肉蘆筍，青嫩爽脆，由於下單系統每次只可選六款，想再加單時剛截單，跟店員溝通後即時幫忙人手下單，態度親切有禮。