大手燒 (Closed)

今日去馬鞍山睇戲，經過呢家好有日本feel嘅小食店「大手燒」，就入去試下。鋪面得少量位置，做外賣多。一坐底，Staff就將部流動冷氣機轉向我地，幾細心，服務唔錯。我地點左軟殼蟹牛油果漢堡🥑同糯米釀手羽。軟殼蟹牛油果漢堡，味道唔錯。炸軟殼蟹無比D醬整到淋哂，似係即叫即炸，牛油果醬幾fresh，配埋蕃茄同菜，幾開胃。糯米釀手羽就不過不失啦，雞翼幾入味，但肉就唔夠滑，有少少韌。我覺得糯米飯可以多少少，咁望落就會飽滿D。