Video
Read full review
2009-04-10
40 views
WOW 二人常餐汽水(忌廉+百事)忌廉味勁怪，甜得過火不特止，仲有藥水味同桂花味! 係咪出左新口味? 唔止我咁覺得，連朋友仔都認同。忌廉湯本身想飲菜湯，但來錯忌廉湯。由於太肚餓既關係，既來之則安之，唔想又再等多十分鐘。忌廉湯無特別，依舊咁杰他他兼咸左D。吞拿魚什錦沙律本身叫常餐可另加$8要的，但因有優惠卷而只需付出加一(即$0.8)即可品嚐。除了份量少到無人有，大概只能sip sip牙lar既罐頭吞拿魚外，什錦即包括菠蘿、蕃茄、薯仔、螺旋粉、提子乾、火腿、青椒絲……味道不俗；以$8來說 ，呢個份量係無可厚非的。然而佢應該叫什錦沙律算，否則會令人覺得有欺騙成份。蒜蓉包遲遲先送來，但忌廉湯早已飲完兼收回。以為新鮮滾熱辣，點知已經又凍又乾又無牛油味。肉腸咖哩芝士汁意粉雖然叫做咖哩芝士汁，但我絲毫食/睇唔出有芝士成份係入面。味道幾好，肉腸份量不少，又有數片蘑菇青椒絲。不過俾人既感覺似大X樂、美X果類快餐店既味道。美式滋味pizza選擇來食Pizza Hut，很大原因是為了可轉芝心批既mini pizza(我同朋友仔都因胃口縮少兼怕肥，即使share普通批都不願意)。不過同網站或其他食家之前食過
汽水(忌廉+百事)
忌廉味勁怪，甜得過火不特止，仲有藥水味同桂花味! 係咪出左新口味? 唔止我咁覺得，連朋友仔都認同。
忌廉湯
本身想飲菜湯，但來錯忌廉湯。由於太肚餓既關係，既來之則安之，唔想又再等多十分鐘。
忌廉湯無特別，依舊咁杰他他兼咸左D。
吞拿魚什錦沙律
本身叫常餐可另加$8要的，但因有優惠卷而只需付出加一(即$0.8)即可品嚐。
除了份量少到無人有，大概只能sip sip牙lar既罐頭吞拿魚外，什錦即包括菠蘿、蕃茄、薯仔、螺旋粉、提子乾、火腿、青椒絲……
味道不俗；以$8來說 ，呢個份量係無可厚非的。然而佢應該叫什錦沙律算，否則會令人覺得有欺騙成份。
蒜蓉包
遲遲先送來，但忌廉湯早已飲完兼收回。以為新鮮滾熱辣，點知已經又凍又乾又無牛油味。
肉腸咖哩芝士汁意粉
雖然叫做咖哩芝士汁，但我絲毫食/睇唔出有芝士成份係入面。
味道幾好，肉腸份量不少，又有數片蘑菇青椒絲。
不過俾人既感覺似大X樂、美X果類快餐店既味道。
美式滋味pizza
選擇來食Pizza Hut，很大原因是為了可轉芝心批既mini pizza(我同朋友仔都因胃口縮少兼怕肥，即使share普通批都不願意)。
不過同網站或其他食家之前食過既都唔一樣。相比之下細得多，成個批只得連一毫子面積都無既數塊菠蘿和雞肉。好彩pizza真係即叫即製，而批邊既芝士亦深得我們心，所以賺回不少分數。
服務一個字，差。尤其是serve我地既男侍應生。
1. 本身叫一個忌廉湯一個菜湯，但最後來左兩個忌廉湯，明明見住男侍應生寫低都可以錯單
2. 食食下野，見到隔離檯投訴男侍應生張帳單出錯(雖然唔關我事，但同我後來既遭遇差不多，再次顯示男侍應生是何其冒失)
3. 侍應生送上吞拿魚什錦沙律，然而桌上只有一把刀(本來都有湯匙，但一黎無可能用湯匙食沙律，二黎佢早就連埋碗湯收左去)，難道要我地用手食? 而且我地正好坐係廚房通道旁，o係我主動提出要餐具前已有五個以上侍應生經過，但無一人理會過我們。
4. 有一女侍應生手捧著我們的蒜蓉包、肉腸咖哩芝士汁意粉，以及一碟其他人既白汁意粉。蒜蓉包兼隻碟俾兩碟意粉壓住，女侍應點拎都拎唔到，最後當住我地面前用隻叉挑出被壓住既蒜蓉包，當時真係幾無奈
5. 承上面，女侍應生放低蒜蓉包後，放下一碟白汁意粉(我地明明係叫肉腸咖哩芝士汁意粉，但當時又無留意)。隔左陣，我想食意粉先知道黎錯，剛好女侍應生送返岩果碟黎(我估計係另一張檯話佢，佢先sense到送錯)
6. 一後生女侍應生帶著一家四口(佢地拎著大包小包，兼且當中包括一個拎著拐杖既老婆婆)來隔離檯坐，當時已經兩點幾，全場一半full，而隔離檯只有很少空間，根本坐得唔舒服。佢地問後生女侍應可唔可以轉前面張六人檯，但侍應面有難色地皺眉，剛好有個疑似經理既男人到來才解決。我真係唔明白，已經過左繁忙時間，客人咁多行李兼有個老人家，仲要叫人坐咁逼做咩。
7.叫另一男侍應生埋單，佢話等等先，點知等左成個字都無人黎，最後叫返冒失男侍應
8. 落單時已經舉起優惠卷(免費小食，我揀左吞拿魚沙律)，但結帳時發現佢唔係計免費，要俾多$8，好彩有check單。再一次証明男侍應生好冒失。
9. 由於食完呢餐就要去睇戲，時間無多，然而改帳單改勁耐，等成十分鐘。結果由叫埋單果一刻到真係走人足足等左三個字!!差(累到我幾乎遲到，錯過齣戲既開頭)
估唔到食一個鐘飯，呢間餐廳既服務已經有九宗罪，真係無人能及(至少我從未見過)
Post
