Video
Read full review
2021-02-12
622 views
KOK KOK最近疫情咁嚴重，我地都少咗去多人嘅地方，今次就揀咗去大西北郊遊🐂，去到元朗錦田食好西🍴。去到元朗國就食下啲外國嘢啦，最後就去咗KOK KOK食泰國菜🇹🇭。.泰式黃咖哩 配雞肉及薄餅 $58Thai Yellow Curry Paste with Chicken and Roti食泰國菜點會少得咖哩呢？💛 但KOK KOK似乎只得一款咖喱，就係黃咖喱。黃咖喱係喺眾多咖哩之中，口味比較溫和同無咁辣嘅，顏色來自薑黃粉。配料有洋蔥🧅、草菇、蕃茄🍅、青椒🫑，肉類可以揀豬、雞或者素菜。KOK KOK嘅黃咖喱味道唔錯，配埋薄餅食好好味🫓。雞都幾嫩滑，唔會好老，不過配料方面就略嫌生咗啲，好似洋蔥咁，雖然有口感，但感覺上味道無同咖喱混合埋一齊。.炸蝦餅 +$20Deep Fried Shrimp Cake午市時間加$20就可以叫埋小食，我地就揀咗炸蝦餅🦐，蝦餅有兩嚿，KOK KOK細心咁分開咗一半，方便客人Share，配埋泰式甜酸醬無得輸啦！.冬陰公湯河 $48Tom Yum Soup with Noodles另外就叫咗個冬陰公湯河🍜，味道酸酸甜甜，好開胃。河粉係泰國嘅粗河粉，配料有蝦肉同
最近疫情咁嚴重，我地都少咗去多人嘅地方，今次就揀咗去大西北郊遊🐂，去到元朗錦田食好西🍴。去到元朗國就食下啲外國嘢啦，最後就去咗KOK KOK食泰國菜🇹🇭。
.
泰式黃咖哩 配雞肉及薄餅 $58
Thai Yellow Curry Paste with Chicken and Roti
食泰國菜點會少得咖哩呢？💛 但KOK KOK似乎只得一款咖喱，就係黃咖喱。黃咖喱係喺眾多咖哩之中，口味比較溫和同無咁辣嘅，顏色來自薑黃粉。配料有洋蔥🧅、草菇、蕃茄🍅、青椒🫑，肉類可以揀豬、雞或者素菜。KOK KOK嘅黃咖喱味道唔錯，配埋薄餅食好好味🫓。雞都幾嫩滑，唔會好老，不過配料方面就略嫌生咗啲，好似洋蔥咁，雖然有口感，但感覺上味道無同咖喱混合埋一齊。
.
炸蝦餅 +$20
Deep Fried Shrimp Cake
午市時間加$20就可以叫埋小食，我地就揀咗炸蝦餅🦐，蝦餅有兩嚿，KOK KOK細心咁分開咗一半，方便客人Share，配埋泰式甜酸醬無得輸啦！
.
冬陰公湯河 $48
Tom Yum Soup with Noodles
另外就叫咗個冬陰公湯河🍜，味道酸酸甜甜，好開胃。河粉係泰國嘅粗河粉，配料有蝦肉同蕃茄仔，份量啱啱，依個價錢真係算平靚正啦！
.
KOK KOK就喺錦田嘅紅磚屋附近，當日就算係假日都無咩餐廳開門做生意，附近亦唔係好多餐廳，所以KOK KOK都幾多人排隊㗎，想去就要預多啲時間啦。 好彩搵到依間良心小店食下泰國菜，當係去咗旅行啦！
.
Follow us on Instagram - Foodastics
Post
