Video
Read full review
2022-06-03
562 views
東鐵線可以過海😌我銅鑼灣返太和就快咗好多啦！附近太和中心好多嘢食，內街對面都有一間良心💛小店，之前試過外賣，即叫即製，所以要耐心等候。既然開返晚市堂食，就約埋街坊飯腳即興試吓佢嘅新卷物。之前都見到OpenRice介紹全港10大MIRROR打卡餐廳，強烈推介鏡粉點自肥甜品❤️可惜前夫反對，見到其他女仔食 Brownie朱古力🍫好羨慕，唯有下次再試啦！蟹籽沙津 ＄26開胃小食，夏天喜歡沙津，青瓜絲、沙津菜、爆汁的蟹籽，口感清新。醬燒豬頸肉(份） $54廚師推介！醬燒豬頸肉新鮮熱辣辣，香噴噴，份量多！調味唔錯，醬燒好惹味，如果飲埋啤酒仲正。牛油果軟殼蟹卷(8件） $92重點是下佢嘅新卷物，小店有好多款卷物選擇，我鍾意食軟殼蟹，炸得香脆又唔油膩，配搭沙律醬、蟹籽、牛油果🥑成件事好夾囉！蛋黃醬免治雞肉棒(2串） ＄38串燒方面我哋揀咗蛋黃醬免治雞肉棒，一份有2串，入口啖啖雞肉，肉質嫩滑，蛋黃醬食起更加惹味。另外燒白鱔、燒粟米留返下次再試。廚師發板壽司12貫 $138今晚的主角就係廚師發板壽司，充滿驚喜，廚師覺得今晚乜嘢最正就俾我哋，最緊要係好想食腐皮，特別 order師傅一定要俾我食！今次的廚師發
之前都見到OpenRice介紹全港10大MIRROR打卡餐廳，強烈推介鏡粉點自肥甜品❤️可惜前夫反對，見到其他女仔食 Brownie朱古力🍫好羨慕，唯有下次再試啦！
蟹籽沙津 ＄26
開胃小食，夏天喜歡沙津，青瓜絲、沙津菜、爆汁的蟹籽，口感清新。
醬燒豬頸肉(份） $54廚師推介！醬燒豬頸肉新鮮熱辣辣，香噴噴，份量多！調味唔錯，醬燒好惹味，如果飲埋啤酒仲正。
牛油果軟殼蟹卷(8件） $92
重點是下佢嘅新卷物，小店有好多款卷物選擇，我鍾意食軟殼蟹，炸得香脆又唔油膩，配搭沙律醬、蟹籽、牛油果🥑成件事好夾囉！
蛋黃醬免治雞肉棒(2串） ＄38
串燒方面我哋揀咗蛋黃醬免治雞肉棒，一份有2串，入口啖啖雞肉，肉質嫩滑，蛋黃醬食起更加惹味。另外燒白鱔、燒粟米留返下次再試。
廚師發板壽司12貫 $138
今晚的主角就係廚師發板壽司，充滿驚喜，廚師覺得今晚乜嘢最正就俾我哋，最緊要係好想食腐皮，特別 order師傅一定要俾我食！
今次的廚師發板大部份都係火炙，啱晒唔鍾意食魚生嘅朋友。左口魚裙邊、松葉蟹棒、玻璃蝦、鰻魚、三文魚腩等等，全部都肥美可口，新鮮又好味，食過返尋味。
富士山梳打 🗻$28
食到差唔多尾聲，飲番杯冰涼飲品爽下先！好耐無返日本呀！見到富士山特別開心。
金菇肥牛卷 $48
最後再食埋金菇肥牛卷，份量都多，燒汁味道唔錯，甜度適中，牛肉味道濃郁，食得好滿足！
Post
