鼎·會館 (Closed)

鼎爺在中環開了餐廳，梗係要去一會！就算見唔到真人，可以在門口同真人1:1的鼎爺紙牌合照威下，都開心啦～中環來講，鼎·會館環境算係好清雅又骨子，係度食野感覺好舒服。重點係餐單選擇好豐富下，豐儉由人，想食名貴海鮮可以隨便揀，好似我咁炒個粉麵一樣無問題～素聞依度的乾炒牛河 very good，一於整返碟，果然出品鑊氣十足，炒河條條分明好入味，中間的牛肉又係靚貨，加埋余均益真心無得頂！ 另一款順德姑娘炒米粉又係鑊氣十足、乾爽入味，最愛啖啖肉的鮮爽大蝦，依位姑娘相當正斗！ 好快就係父親節，可以考慮整來試下晚市套餐呢。