Video
Read full review
2024-05-19
64 views
今日嚟到長沙灣新開嘅咖啡廳《回春》同朋友食個下午茶～餐廳裝修行和嘅和風，位置唔多但勝在裝修簡單舒服。💛冬陰功海鮮蝴蝶粉見到網上好多人推介呢一個主食，所以我都叫咗～佢味道都幾唔錯，冬陰功味唔算好辣酸甜味道都有到個平衡，而且裏面仲有啲青檸中和冬陰功辣嘅味道。所以我覺得平時唔太食得辣嘅朋友仔都可以試吓。而且蝴蝶粉裏面仲有唔少海鮮，有兩大隻大大嘅青口，而且好特別嘅係佢仲灑咗啲紫菜青苔，味道配搭都好特別又好夾。💛松茸味噌三文魚定食另外餐廳另有一個推介嘅菜式就係呢個三文魚定食，賣相超級吸引，有幾款唔同嘅前菜同甜品。三文魚煎得好香脆配飯好開胃，前菜仲有炒蘑菇同埋番薯仔豆腐，而且仲有香橙同泡芙作為生果甜品。呢個煮食又豐富又好味。另外我仲叫咗一個甜品朱古力，食落去非常順滑，加埋佢配送嘅士多啤梨非常之唔錯。而且另外我好推介佢嘅飲品伯爵朱古力，朱古力味道好香濃再加上伯爵茶嘅味道真係冇得輸，鍾意飲朱古力嘅朋友千祈唔好錯過。整體嚟講我覺得呢間餐廳質素都好唔錯，無論係講緊佢嘅主食飲品都幾出色～
💛冬陰功海鮮蝴蝶粉
見到網上好多人推介呢一個主食，所以我都叫咗～佢味道都幾唔錯，冬陰功味唔算好辣酸甜味道都有到個平衡，而且裏面仲有啲青檸中和冬陰功辣嘅味道。所以我覺得平時唔太食得辣嘅朋友仔都可以試吓。而且蝴蝶粉裏面仲有唔少海鮮，有兩大隻大大嘅青口，而且好特別嘅係佢仲灑咗啲紫菜青苔，味道配搭都好特別又好夾。
💛松茸味噌三文魚定食
另外餐廳另有一個推介嘅菜式就係呢個三文魚定食，賣相超級吸引，有幾款唔同嘅前菜同甜品。三文魚煎得好香脆配飯好開胃，前菜仲有炒蘑菇同埋番薯仔豆腐，而且仲有香橙同泡芙作為生果甜品。呢個煮食又豐富又好味。
另外我仲叫咗一個甜品朱古力，食落去非常順滑，加埋佢配送嘅士多啤梨非常之唔錯。而且另外我好推介佢嘅飲品伯爵朱古力，朱古力味道好香濃再加上伯爵茶嘅味道真係冇得輸，鍾意飲朱古力嘅朋友千祈唔好錯過。
整體嚟講我覺得呢間餐廳質素都好唔錯，無論係講緊佢嘅主食飲品都幾出色～
Post
