辣蟹舫 (Closed)

今日放假來長沙灣搵朋友聚下，係佢屋企附近原來有間專食炒蟹的餐廳，見到相都好靚，就同朋友入來試下。開業4週年的優惠套餐好抵食，$588已經有一隻炒蟹同兩個小菜，加個白飯就好夠飽。今次無叫避風塘炒蟹，叫咗黃金炒蟹，見到顏色賣相好靚，蛋黃份量多，入口鹹香，好惹味，蟹肉彈牙鮮甜，多肉厚身，吸晒蛋黃的香味。冰梅豬扒，厚身嫩滑，酸梅汁酸酸甜甜，好開胃，豬肉味濃郁，咬開多汁香甜，香味散發。燒汁野菌牛仔肉，有冬菇，青椒等配菜，味道較清新，燒汁好惹味，滲入牛肉當中，牛肉肉質嫩滑有嚼勁。食飽後餐廳仲送咗張優惠券比我地下次可以用，惠顧一隻蟹就送多一隻，超值的，下次又可以約朋友再黎食。