源味開元米線 (Closed)

相信好多朋友仔翻大陸會特登走去食川菜，只因大陸既川菜又平又正宗。但其實係香港都有好多唔錯既選擇。今次黎食呢間睇個名係食米線既，但除左米線之外，呢到其實有好多好食既川菜食，例如烤魚、酸菜魚、水煮牛肉等等。豆花烤魚（$268）要左海鱸魚因為呢種魚多肉少骨，而且店家用料新鮮，魚肉鮮甜沒有腥味。平時唔係好食得辣既我食左微辣，入到口有少少麻但又辣得幾過癮，雖然有辣味，但係依然可以食到豆花既清甜。而且豆花份量好多，真係唔洗叫飯都飽。川北涼粉（$28）我冇特別要求辣度，呢道既涼粉係酸辣麻既，配以超級滑溜既涼粉可以做一個開胃菜。但係由於我唔食得太辣，我下次食會要求翻小辣再挑戰自己，慢慢加辣。五餸蕃薯粉（$49）蕃薯粉亦都是十分滑溜，配清湯岩岩好緩解左岩岩食魚同涼粉既辣，再食埋處理得好好冇異味既大腸同牛腩，呢餐十分滿足。總結一下，如果有朋友仔想食正宗川菜我都推薦黎呢到。