Video
Read full review
2021-07-08
61 views
今日咁岩同女朋友經過長沙灣所以係附近揾間餐廳食飯，呢個地方美中不足既位就係缺乏大型商場，所以好難吸引人流黎呢到食野。但都因為呢個原因，間餐廳帶到比我一個好好既環境遠離下閙市，可以係人流較少既地區靜靜地食一餐飯，但竟然帶比我有意外既驚喜。首先入到黎既First Impression係呢間餐廳環境好乾淨，而且服務態度好好。水吧就係樓面，而廚房就係餐廳入邊，喜泰味顧名思義係一間泰國既餐廳，而且侍應同水吧有部分都係請返泰國人，令人諗返起之前可以去旅行既日子。一坐底既時候侍應姐姐就送左一籃蝦餅比我地食，而且佢係餐廳都有賣緊take out 既係13$ 一份，我地真係食到停唔到口，個蝦餅好香口又鬆脆，食落又唔會太油膩，食飯之前食幾片真係一流，肚餓既可以一路食住一路望個MENU 真係夠貼心。望下個MENU 先，咁我地今日都唔太肚餓，所以我地都只係叫左一個二人餐($188)，揀左蒜蓉通菜，半隻海南雞，同埋加左($38)要左個牛肉串燒(4串)，野飲揀左簡簡單單既椰汁冰同凍檸蜜野食由叫果刻到上齊都係十分鐘左右，好快手。第一樣既野食就係蒜蓉通菜，D通菜好新鮮而且蒜蓉炒得好入味，唔油膩，每次食泰國野都總會叫一
首先入到黎既First Impression係呢間餐廳環境好乾淨，而且服務態度好好。水吧就係樓面，而廚房就係餐廳入邊，喜泰味顧名思義係一間泰國既餐廳，而且侍應同水吧有部分都係請返泰國人，令人諗返起之前可以去旅行既日子。
一坐底既時候侍應姐姐就送左一籃蝦餅比我地食，而且佢係餐廳都有賣緊take out 既係13$ 一份，我地真係食到停唔到口，個蝦餅好香口又鬆脆，食落又唔會太油膩，食飯之前食幾片真係一流，肚餓既可以一路食住一路望個MENU 真係夠貼心。
炸蝦片（免費）
1 views
0 likes
0 comments
野食由叫果刻到上齊都係十分鐘左右，好快手。第一樣既野食就係蒜蓉通菜，D通菜好新鮮而且蒜蓉炒得好入味，唔油膩，每次食泰國野都總會叫一碟通菜!
蒜蓉炒通菜
0 views
0 likes
0 comments
再黎係海南雞(半隻)，都無令我地失望~ D雞好嫩滑，配埋泰式辣醬真係好有泰式既風味，我就用左佢黎送飯啦，雞係無骨既，所以怕食骨既朋友都可以叫黎食
海南雞（半隻）
4 views
0 likes
0 comments
最後就係牛肉串燒配埋泰式芥末醬，因為係串燒既關係，所以肉身就比較硬身，但牛味就好夠，加埋泰式芥末醬好夾，面頭係芥末味，入邊就好重既牛味，作為食肉獸既我又點可以MISS 左呢道菜阿
牛肉串燒（$+38）
4 views
0 likes
0 comments
最後黎返張大合照先~
椰汁冰&凍檸蜜
1 views
0 likes
0 comments
最後我地2個人賣單就大約係250$ 左右(連埋加一服務費)，價錢作為係香港食一餐夜餐黎講都唔貴好合理，而且野食大件夾抵食。反而想提出一樣野就係好多呢一類型既小店值得大家比一次機會黎試食。因為附近無大型商場，無野行既關係，令到人流好稀少，往往好多時就錯過左好多一直有心機經營既小店，就例如係呢一間。無論環境同埋野食黎講都好令人有驚喜，相反地如果呢間餐廳係開係旺角既話，我相信佢帶到比我既感覺同埋野食既價錢就一定會好唔同，估唔到咁岩經過都撞到間唔錯既餐廳，下次有機會會再ENCORE~
Post
