Fifty Fifty (Closed)

朋友搵到新工就搵個地方慶祝下，見到有間餐廳佈置好有聖誕氣氛，順便慶祝埋聖誕。日本帶子海膽意大利飯 $138，一望餐牌已經俾呢款日式Risotto吸引，通常都係西式煮法，今次轉左日式煮法都幾特別，飯軟硬度適中，帶子大大粒，海膽味唔算太濃，但整體上都好味。法式燒春雞 $108，燒雞無論賣相同味道都唔錯，肉質滑嫩，配上薯蓉同蔬菜，好滿足。加$20可轉套餐，包括餐湯、飲品及甜品。估唔到甜品最好食，芝士蛋糕好滑味道濃郁 。最近多左去長沙灣深水埗一帶食飯，原來多左好多特色小餐廳，有機會多d再過來。