新沙洞澡堂 (Closed)

💎總評分：8.0/10-最近好多人去一間澡堂打卡🛀🏻，唔講以為佢哋飛咗去韓國，小編今日又嚟朝下聖。湖水綠嘅迷你浴池好有復古感覺，旁邊一棵大仙人掌企埋去打卡顯得特別嬌小🌵，牆上面裝咗幾個假花灑配合澡堂主題🚿，門口嘅窗台位置仲可以帶寵物嚟嫁🐶！好多食評都係介紹佢哋tea set，今次小編就嚟講下佢哋嘅lunch啦！1️⃣ 韓式牛肉拌飯 $88；泡菜豬肉拌飯 $86 無諗過咁大碗所以叫左兩個🍚，基本配菜如泡菜、芽菜、紫菜、菠菜等通通有齊，同想像中嘅味道一樣，唯獨係豬肉拌飯嘅米飯有點偏硬🙈。小編落單嘅時候加咗隻太陽蛋🍳，諗住影相澎湃啲，可惜漏咗單，不過對味道不大影響👌🏻！2️⃣ 新沙洞特製原味炸雞(半份) $88；蒜蓉醬油炸雞(半份) $88蒜蓉醬油係多人推介嘅味道，經典得嚟香濃嘅蒜味配合嫩滑嘅雞肉果然無懈可擊💪🏻。相反新沙洞特製原味真係好原味下🐓，沒有多餘的醬汁，但炸到咬落去會發出香脆嘅聲音😋。兩個半份加埋就變得好大份，最後食唔晒要takeaway，發現外賣盒亦非常可愛。3️⃣ 炸韓國午餐肉條 $58必要嘅小食，雖然只係普通嘅炸午餐肉🐖，非常邪惡爆卡路里，不過賣相好特別，直接用左午餐肉鐵罐，啱晒打卡😝。