Video
Read full review
2020-08-12
2496 views
疾情前我哋歡送同事調職，午餐就去咗飲茶。深水埗餐廳多，但酒樓就比較少🤔，反而近長沙灣天悦嗰邊有多幾間選擇。其中一位同事介紹我哋試喺大廈三樓嘅「天然居海鮮酒家」。估唔到酒樓係樓上舖，但都咁多人幫襯，目測全場滿座👏。可能上咗樓嘅關係，餐廳環境幾唔錯，光猛開揚，不過坐得少逼。整體感覺算乾淨衞生😊。呢餐我哋一行十人每人百一蚊左右就搞掂，而且係食到飽飽，仲有食物剩打包添，性價比OK👌。不過茶錢$12位，食水都幾深。 點心紙十分清晰，因為大中小點寫哂出嚟每款幾錢，唔駛再搵餐牌對數，但其實大中小點同價($18.8)...😅。午市仲有啲拼盤餐同孖寶餐，抵食啲。另外，亦有單點推介菜🥢。蜜餞雞中翼($48)，依個係同事嘅必食推介，又真係幾好食喎😋。雞翼煎得幾香口，蜜餞口味甜蜜蜜，但唔係蜜糖嗰種死甜。但一碟得六隻，我哋要叫兩碟先夠。另外點咗兩款小食：椒鹽脆豆腐($42)同椒鹽魷魚鬚($48)，兩樣都好酥脆，正啊。籠仔蒜香開邊蝦蒸飯($78)，呢個飯嘅造型不得了😍。首先，因為係以籠仔上，感覺即刻吸引啲。第二，雖然係蒸飯，但其實個飯有炒底的，所以飯粒乾身得嚟，又別有一番香氣。第三，開邊蝦唔大隻，但切開豎起幾好睇
估唔到酒樓係樓上舖，但都咁多人幫襯，目測全場滿座👏。可能上咗樓嘅關係，餐廳環境幾唔錯，光猛開揚，不過坐得少逼。整體感覺算乾淨衞生😊。
呢餐我哋一行十人每人百一蚊左右就搞掂，而且係食到飽飽，仲有食物剩打包添，性價比OK👌。不過茶錢$12位，食水都幾深。 
點心紙十分清晰，因為大中小點寫哂出嚟每款幾錢，唔駛再搵餐牌對數，但其實大中小點同價($18.8)...😅。
午市仲有啲拼盤餐同孖寶餐，抵食啲。另外，亦有單點推介菜🥢。
蜜餞雞中翼
$48
86 views
0 likes
0 comments
籠仔蒜香開邊蝦蒸飯
$78
40 views
0 likes
0 comments
XO醬炒腸粉
$32
26 views
0 likes
0 comments
孖寶：雪菜火鴨絲炆米 + 脆皮燒腩仔($128)，炆米都幾大碟，而且幾足料，有唔少鴨絲。🐷燒腩仔亦屬中上水平，皮夠脆，肉唔太肥。
鮮蝦腐皮卷(特:$26.8)同脆皮素鵝($42)，兩款都係即煎即上，所以外皮脆卜卜。不過我都係略嫌偏貴，特別係素鵝，無肉喎🙊，建議叫前者！
必食蝦餃皇(頂:$28.8)同蟹籽燒賣皇(特:$26.8)，兩款均係大路點心，價錢都幾貴下。每籠四粒，唔算大粒，味道普普通通😟。
黑椒茄子牛仔骨煲
$88
35 views
0 likes
0 comments
金銀蛋浸莧菜($68)同菜膽扒鮑螺片($78)，我哋叫咗兩碟菜🥦，味道幾好，健康啲。莧菜幾嫩，無乜渣。另一碟就係用上唐生菜做菜底，有好多蠔油所以夠味，螺片以外仲有冬菇。
總括嚟講，天然居酒家質素算唔錯，個人認為小食同小菜類較點心出色🤤。始終呢區無乜見得人嘅酒樓，所以我覺得想飲茶都可以嚟試下，特別係一班人(例如老闆請食飯)想食得好啲。
Post
