Video
Read full review
2024-01-14
947 views
個日嗌左7個餸～🍽️生炒骨 （8/10）咕嚕肉正常發輝，外皮炸得酥脆，入面豬肉夠淋，熱辣辣食好正，酸酸甜甜好開胃😋🍽️鼓汁蒸鱔（8/10）白鱔既油脂香，加埋好惹味既鼓汁，送飯一流🤤不過鱔既碎骨多左少少…🍽️椒鹽鮮魷/炸大腸雙併 （7.5/10）邪惡之選🤭鮮魷炸皮唔係好薄，但值得讚係炸得好透，魷魚啱啱熟，好軟嫩一啲唔韌👍🏻而炸大腸入面仲有keep到肥膏（一定要肥膏，太乾淨就無左精粹😆），但炸皮唔算十級酥脆，整體未算驚艷。🍽️鼓椒鵝腸 （7.5/10）佢既鼓汁類全部都調好惹味👏🏻鵝腸唔韌，正常好食。🍽️羊腩煲 （6/10）今次本身最期待係羊腩煲，可惜有啲失望，羊腩煲得未夠淋，亦唔夠入味😔🍽️鐵板黑椒豬手（9/10)最推介必定係黑椒豬手❗️啲肉煮得好軟淋，完全唔會乾柴，連埋豬皮一齊食，淡淡肉同滿滿脂肪骨膠原，再配埋濃郁既黑椒汁，邪惡得黎好滿足💕💕🍽️清炒菜苗 （7.5/10）呢間犀利之處係連菜苗都炒得好有鑊氣，好食👍🏻—˗ˏˋ 𝓜𝓮𝓶𝓸✍︎ ˎˊ˗如果想食鑊氣香口小炒，呢間大排檔絕對可滿足到你！仲要嗌左咁多款餸，都係人均300-400蚊，抵食又好味🫶🏻推介一大班人聚餐既話，可以黎試下～
🍽️生炒骨 （8/10）
咕嚕肉正常發輝，外皮炸得酥脆，入面豬肉夠淋，熱辣辣食好正，酸酸甜甜好開胃😋
🍽️鼓汁蒸鱔（8/10）
白鱔既油脂香，加埋好惹味既鼓汁，送飯一流🤤不過鱔既碎骨多左少少…
🍽️椒鹽鮮魷/炸大腸雙併 （7.5/10）
邪惡之選🤭鮮魷炸皮唔係好薄，但值得讚係炸得好透，魷魚啱啱熟，好軟嫩一啲唔韌👍🏻而炸大腸入面仲有keep到肥膏（一定要肥膏，太乾淨就無左精粹😆），但炸皮唔算十級酥脆，整體未算驚艷。
🍽️鼓椒鵝腸 （7.5/10）
佢既鼓汁類全部都調好惹味👏🏻鵝腸唔韌，正常好食。
🍽️羊腩煲 （6/10）
今次本身最期待係羊腩煲，可惜有啲失望，羊腩煲得未夠淋，亦唔夠入味😔
🍽️鐵板黑椒豬手（9/10)
最推介必定係黑椒豬手❗️啲肉煮得好軟淋，完全唔會乾柴，連埋豬皮一齊食，淡淡肉同滿滿脂肪骨膠原，再配埋濃郁既黑椒汁，邪惡得黎好滿足💕💕
🍽️清炒菜苗 （7.5/10）
呢間犀利之處係連菜苗都炒得好有鑊氣，好食👍🏻
—
˗ˏˋ 𝓜𝓮𝓶𝓸✍︎ ˎˊ˗
如果想食鑊氣香口小炒，呢間大排檔絕對可滿足到你！仲要嗌左咁多款餸，都係人均300-400蚊，抵食又好味🫶🏻推介一大班人聚餐既話，可以黎試下～
Post
