Video
Read full review
2014-06-08
2196 views
農曆新年之前幾日到長洲,落船後先到故鄉茶寮店內食手卷紅豆餅套餐,之後就到附近o既新照記小食店買懷舊糕點呢間小食店有得賣魚蛋燒賣,車仔麵,豆腐花,不過最多人買o係o的懷舊糕點 ,見到門前放左紅豆糕,南瓜糕,杞子桂花糕,茶粿,缽仔糕,紫米糕,糯米糍,雞屎藤等款式,大部份糕點都係一個圓盤咁蒸好紅豆糕及紫米糕呢類糕點係每件$6,至於唔同款式茶粿係每個$5客人買o既時候店員先會切俾人,唔會預早切定,大家買到大件抑或係細件真係好睇彩數,可能店員見你樣衰會俾細件o的 ,但係見你靚女都未必俾大件o的你,因為店員都係o的阿嬸及婆婆 ,真正全女班由於當日係農曆新年前最後一日營業,小食店收爐,冇做咁多款糕點,之前睇過介紹話綠茶紅豆糕相當唔錯,可惜當日冇得賣呢款糕 我係諗住買糕點返屋企食,由於時間尚早,未有咁快搭船出中環,冇理由拎住盒糕o係島內週圍行,又驚黃昏上船前買可能會賣晒,店員話可以俾左錢買定先,收舖前我再返去拎 原來買夠六件先會有個盒裝住o的糕,於是我要左蜜瓜糕,南瓜糕,紫米糕,紅豆糕,杞子桂花糕及椰汁馬豆糕各一件,另外要左一個眉豆茶粿,見到蜜瓜糕要o係雪櫃拎出黎切,可能呢款糕要雪凍先好食俾
呢間小食店有得賣魚蛋燒賣,車仔麵,豆腐花,不過最多人買o係o的懷舊糕點 ,見到門前放左紅豆糕,南瓜糕,杞子桂花糕,茶粿,缽仔糕,紫米糕,糯米糍,雞屎藤等款式,大部份糕點都係一個圓盤咁蒸好
紅豆糕及紫米糕呢類糕點係每件$6,至於唔同款式茶粿係每個$5客人買o既時候店員先會切俾人,唔會預早切定,大家買到大件抑或係細件真係好睇彩數,可能店員見你樣衰會俾細件o的 ,但係見你靚女都未必俾大件o的你,因為店員都係o的阿嬸及婆婆 ,真正全女班
由於當日係農曆新年前最後一日營業,小食店收爐,冇做咁多款糕點,之前睇過介紹話綠茶紅豆糕相當唔錯,可惜當日冇得賣呢款糕
我係諗住買糕點返屋企食,由於時間尚早,未有咁快搭船出中環,冇理由拎住盒糕o係島內週圍行,又驚黃昏上船前買可能會賣晒,店員話可以俾左錢買定先,收舖前我再返去拎
原來買夠六件先會有個盒裝住o的糕,於是我要左蜜瓜糕,南瓜糕,紫米糕,紅豆糕,杞子桂花糕及椰汁馬豆糕各一件,另外要左一個眉豆茶粿,見到蜜瓜糕要o係雪櫃拎出黎切,可能呢款糕要雪凍先好食俾左錢後店員將我呢盒糕放o係雪櫃,叫我一定要大約 5pm 前返黎拎糕,如果唔係就要過左年先黎拎
之後我o係島上遊覽,大約 5pm 返去取糕
拎到盒糕返屋企,每款都切一o的試下味道眉豆茶粿鹹鹹地,幾好食
蜜瓜糕真係有粒粒蜜瓜,口感十足
南瓜糕好香甜,係天然o個種南瓜甜味,食到有南瓜絲
紫米糕有煙韌o既紫糯米,有少少椰汁香,味道比較淡
紅豆糕表面淺啡色,有o的似缽仔糕質地,入面有原粒飽滿甜美o既紅豆,真材實料,好多人認為唔夠甜,但係我覺得甜度剛好,食到豆香味
杞子桂花糕材料足夠,有幾多杞子,覺得唔係咁晶瑩剔透
椰汁馬豆糕唔會好甜,椰汁味幾濃
呢間小食店o既懷舊糕點,整體黎講做得幾好,算係較大件,真係幾抵食 香港好難再有地方搵到咁多款傳統糕點,日後再黎長洲,都會黎幫襯,希望可以買到綠茶紅豆糕
Post
