Video
Read full review
2024-06-22
525 views
依間甜品店主打刨冰相當出名，款式都好特別，例如楊枝甘露、榴槤豆腐花、醬爆花生、髒髒朱古力、火龍果，另外仲有其他傳統/新派款式糖水．你今日開心果味 $148（A級伊朗開心果仁+開心果卷+100%開心果醬+開心果忌廉+開心果汁+開心果酥/焦糖脆餅/自家製開心果雪糕 內餡）賣相打卡一流😍店員話要由上而下、外而內食用！最頂有開心果酥，外皮好脆入面係開心果cream+醬，開心果醬好香濃，所以好好味！然後食深色嗰層嘅冰，開心果醬的確幾香果仁味，勝在唔甜。冰入面有焦糖脆同開心果碎增加口感。底層嘅自家製開心果雪糕，甜甜地有少少似煉奶味雪糕。中途差唔多食晒有開心果醬嘅冰，可以再淋上附上嘅開心果汁，幫刨冰添加返啲味道 唔使變冰水！．榴槤奶凍（硬雪糕質感）$68面頭榴槤蓉係好香，中間白色係cream，最底係雪糕質感嘅奶凍。食落真係好似雪糕質感，但又冇雪糕咁硬實，幾有趣！．榴槤紫糯米 $65+ 芋圓12粒/$15榴槤蓉同上面一樣都係好香，都好多黑糯米，配上椰汁底加左$15要芋圓，我覺得都幾抵食$15有12粒！煮到好晶瑩剔透！
．你今日開心果味 $148
（A級伊朗開心果仁+開心果卷+100%開心果醬+開心果忌廉+開心果汁+開心果酥/焦糖脆餅/自家製開心果雪糕 內餡）
賣相打卡一流😍店員話要由上而下、外而內食用！最頂有開心果酥，外皮好脆入面係開心果cream+醬，開心果醬好香濃，所以好好味！
然後食深色嗰層嘅冰，開心果醬的確幾香果仁味，勝在唔甜。冰入面有焦糖脆同開心果碎增加口感。底層嘅自家製開心果雪糕，甜甜地有少少似煉奶味雪糕。中途差唔多食晒有開心果醬嘅冰，可以再淋上附上嘅開心果汁，幫刨冰添加返啲味道 唔使變冰水！
．榴槤奶凍（硬雪糕質感）$68
面頭榴槤蓉係好香，中間白色係cream，最底係雪糕質感嘅奶凍。食落真係好似雪糕質感，但又冇雪糕咁硬實，幾有趣！
．榴槤紫糯米 $65
+ 芋圓12粒/$15
榴槤蓉同上面一樣都係好香，都好多黑糯米，配上椰汁底
加左$15要芋圓，我覺得都幾抵食$15有12粒！煮到好晶瑩剔透！
Post
