鑽石餐廳 (Closed)

這間餐廳在旺角好像已經有一段日子,一直沒有提起興趣幫襯,因為在這條街內的食店瀨嘢次數太多!晚上到相熟舖頭配眼鏡,又行過這裡門口於是唔信邪試一試!七點正坐下點菜,三分鐘後餐湯已經擺喺檯面:雜菜湯----一碗只有酸味的菜水,咐送一件用蒸籠裝住嘅暖蒜蓉包.....多謝晒!雜菌牛柳粒天使麵----餐湯飲到一半已經出現!速度仲快過大家樂!牛柳大概有七粒不過有四粒咬唔開,天使麵的汁是甜的!而且麵身亦煮得過淋及多油.再多謝!七味炸釀蟹蓋----袖珍可愛!大小好像寵物蟹仔,少量蟹肉加麵粉炸完再灑七味粉上面!唔好睇小得小小蟹肉,腥味都幾濃郁,再三多謝!燒去骨春雞(黑椒汁)----喺我食完碟天使麵就隆重登場喇!切了友人的雞一小片來試....雞肉質地無問題,不過雞肉係無調味嘅!黑椒汁外表係黑椒汁不過味道只得一個字----咸!餐飲無問題因為飲凍檸水.這個"西"餐於七點三十五分完成!有西餐廳外表,快餐店的速度,令人驚異的出品!真係一次過滿足三個願望!